España
Cataluña acorda con Aragón ensinar catalán desde as escolas ata as universidades
O conselleiro de Educación da Generalitat de Catalunya, Ernest Maragall, e a conselleira do Departamento de Educación, Cultura e Deporte de Aragón, María Victoria Broto, asinaron un protocolo para o ensino do catalán desde a etapa primaria ata a universitaria "tendo en conta a vinculación histórica, cultural e lingüística entre as dúas comunidades".
Fonte: Vilaweb
O Instituto Castelán e Leonés da Lingua impulsará a plataforma Micastellano.com
O xerente do Instituto Castelán e Leonés da Lingua e o conselleiro delegado de Lingus TV asinaron un convenio de colaboración para impulsar a plataforma Micastellano.com. A través deste acordo, ambas as institucións comprométense a unir forzas en materia de colaboración e desenvolvemento conxunto dun método audiovisual de aprendizaxe do español a través de creacións audiovisuais emitidas a través de internet.
Fonte: Portal TIC
O Departamento de Educación do Goberno de Aragón non ofrecerá lingua aragonesa como optativa ata o curso 2011-2012
A lingua aragonesa non formará parte do currículo aragonés e non se ofertará como materia optativa no sistema educativo ata o curso 2011-2012.
Fonte: Aragón Digital
A Asociación Berciana da Lingua Xarmenta premia os mellores debuxos acerca da "maxia" do galego
A Biblioteca Municipal de Ponferrada vén de acoller a entrega de galardóns dos V Premios Xarmenta de Debuxo, un certame que promove a Asociación Berciana da Lingua “Xarmenta” e que está dirixido ao alumnado de Lingua galega do Bierzo.
Fonte: Xunta de Galicia
Un total de 74 centros educativos opta a participar no proxecto trilingüe do Goberno vasco
Un total de 74 centros educativos vascos presentou os seus plans para participar na convocatoria para o desenvolvemento de proxectos de experimentación do Marco de Educación Trilingüe do Goberno vasco.
Fonte: Europa Press
O Valedor español do Pobo recomenda ao Tribunal Constitucional revisar a lei de cooficialidade lingüística
O Valedor do Pobo considera "desexable" dispoñer dun pronunciamento do Tribunal Constitucional que "actualice, confirme ou revise" a xurisprudencia en materia de cooficialidade lingüística.
Fonte: ADN
Un anteproxecto de lei prevé que o coñecemento de español sexa un dereito e un deber para os inmigrantes en Castela e León
O anteproxecto de Lei de integración dos inmigrantes na sociedade de Castela e León inclúe o coñecemento da lingua española como un dereito e un deber, dado que o idioma constitúe un factor «esencial» de integración.
Fonte: La Razón
O Tribunal Constitucional rexeita que o catalán sexa "preferente" en administracións e medios de comunicación públicos
A resolución do Tribunal Constitucional (TC) considerou inconstitucional que o catalán sexa a lingua "preferente" das administracións públicas e dos medios de comunicación públicos de Cataluña, segundo establecía o Estatuto.
Fonte: Europa Press
O Síndic (Valedor do Pobo) pídelle a Sanidade que garanta o dereito a ser atendido en valenciano
O Síndic de Greuges, José Cholbi, recordoulle á Consellería de Sanidade da Comunidade Valenciana que ten o deber legal de garantir que, nos servizos públicos que dependen dela, as persoas que tratan co público teñen o suficiente coñecemento de valenciano como para atender con normalidade a súa responsabilidade.
Fonte: ABC
Os aspirantes a funcionarios na Comunidade Valenciana non terán que saber valenciano
Populares e socialistas aprobaron a nova Lei da función pública da Comunidade Valenciana, que non recolle a obrigatoriedade de acreditar os coñecementos de valenciano para optar a un posto na Administración autonómica.
Fonte: Las Provincias
Boletín
Subscríbase ao boletín
