Galicia
Comezan en Santiago os Cursos de lingua e cultura galegas ‘Galego sen fronteiras’
Estes cursos celebran a súa trixésimo cuarta edición, que conta coa participación de máis de cincuenta estudantes de Europa, América e Asia. O programa inclúe clases de lingua e literatura galegas, excursións, visitas culturais e obradoiros.
O secretario xeral da Lingua asiste á presentación da primeira coroación canónica en galego na diocese de Lugo
O Pazo de San Roque, en Santiago de Compostela, acolleu a presentación da primeira coroación canónica en galego na diocese de Lugo. O evento terá lugar o próximo 9 de setembro, en Quiroga, cando está prevista a presentación dos deseños que engalanarán a Virxe dos Remedios da Ermida.
Fonte: O Portal da Lingua Galega
A Xunta amplía e diversifica os catálogos de lectura fácil promovendo a produción de 20 obras en galego
A Xunta de Galicia colabora con 20 proxectos editoriais para ampliar e diversificar os catálogos de obras de lectura fácil en galego. A través desta liña de axudas para libros en formato físico ou dixital, que vén de publicarse no Diario Oficial de Galicia, adxudicouse o financiamento para colaborar con 10 empresas editoriais diferentes.
Fonte: Xunta de Galicia
Convócanse cursos de linguaxe administrativa galega e preparatorios para a obtención dos Celga
Estes cursos de linguaxe administrativa galega en liña (niveis medio e superior) e mais os cursos preparatorios para a obtención dos certificados de lingua galega (niveis Celga 2, 3 e 4) impartiranse nas escolas oficiais de idiomas de Galicia.
Fonte: Consello da Cultura Galega
O secretario xeral da Lingua participa na presentación do facsímile conmemorativo dos 40 anos do traslado dos restos de Castelao
A Fundación Castelao, en colaboración coa Fundación Uxío Novoneyra e a Secretaría Xeral da Lingua da Xunta de Galicia, presentou unha edición conmemorativa dos 40 anos do retorno de Castelao a Galicia.
Fonte: O Portal da Lingua Galega
O Xacobeo Pádel Tour promoverá a lectura en galego
O III Xacobeo Pádel Tour, circuíto deportivo que se desenvolve nas provincias da Coruña e Pontevedra, presentouse o 27 de xuño en Santiago de Compostela.
Fonte: O Portal da Lingua Galega
Unha gala pon fin á campaña «Falemos + Galego» organizada por trece centros de ensino da Costa da Morte
Finaliza cunha gala conducida por Maria Lado e Xurxo Souto a primeira edición da campaña «Falemos + Galego», unha iniciativa impulsada por 13 centros de ensino da Costa da Morte.
Fonte: Que Pasa na Costa
Alumnado do instituto Castro Alobre pon en marcha unha campaña para impulsar o uso do galego nos comercios de Vilagarcía
«Implicados co galego» é o lema da campaña que cada curso desenvolve este centro cun dobre obxectivo: o impulso do uso do galego e o apoio ao pequeno comercio. Para iso, distribuirán seis modelos de bolsas da compra entre os establecementos comerciais da cidade.
Fonte: La Voz de Galicia
Un proxecto da Universidade de Vigo trata o ensino do galego cunha metodoloxía baseada no movemento
A metodoloxía Total Physical Response (TPR) demostrou ser eficaz para aprender vocabulario dunha segunda lingua mediante respostas físicas a ordes orais. A pesar de estar recoñecida desde 2008 para o ensino do inglés, en Galicia, a maioría dos profesores descoñécena. Un proxecto da Facultade de Ciencias da Educación e do Deporte busca familiarizar o alumnado con esta metodoloxía e crear unha guía para aplicala, centrada no ensino do galego en infantil e primaria.
Fonte: Universidade de Vigo
Valentín García chama a afondar na toponimia das cantigas co novo proxecto do Centro Ramón Piñeiro
O secretario xeral da Lingua, Valentín García, participou na presentación de Canticar, un recurso creado por investigadores do Centro Ramón Piñeiro para a Investigación en Humanidades que cartografía a lírica profana galego-portuguesa, ao materializar de forma gráfica os topónimos recollidos nestes textos.
Fonte: O Portal da Lingua Galega
Boletín
Subscríbase ao boletín
