Galicia
Valentín García participa na entrega dos premios OUFF Escola 2025
O secretario xeral da Lingua, Valentín García, participou na Gala de entrega de premios do Certame de Cinema Escolar OUFF Escola 2025.
Fonte: O Portal da Lingua Galega
Convócase unha nova edición do concurso de postais de Nadal en galego impulsado polo Concello da Baña
O Concello da Baña convoca a cuarta edición do seu concurso de postais de Nadal en galego, unha iniciativa dirixida á infancia e á mocidade de ata 16 anos para estimular a creación artística, fortalecer o uso da lingua e poñer en valor as tradicións locais. O certame, aberto ao alumnado do CPI San Vicenzo e á rapazada empadroada no municipio, busca imaxes inspiradas no Nadal de Galicia cunha mensaxe en galego e admite técnicas variadas en formato DIN A4.
Fonte: Concello da Baña
A Xunta colabora coa Real Academia nunha xornada de reflexión sobre o impacto da homenaxe ás cantareiras nas Letras Galegas 2025
O secretario xeral da Lingua, Valentín García, participou no Simposio das Letras Galegas 2025, organizado pola Real Academia Galega coa colaboración da Xunta de Galicia na recta final deste ano no que se homenaxearon as cantareiras.
Fonte: O Portal da Lingua Galega
A Xunta anuncia os proxectos gañadores de novela curta, poesía e banda deseñada do Xuventude Crea
A Xunta de Galicia acaba de anunciar os proxectos gañadores de novela curta, poesía e banda deseñada do Xuventude Crea, unha iniciativa que busca estimular a imaxinación, a creatividade e a innovación, así como favorecer e visibilizar o talento da mocidade galega e actuar como impulso económico e plataforma de lanzamento profesional.
Este certame, dirixido á mocidade non profesional entre os 16 e os 30 anos que desenvolve a súa actividade artística en Galicia, pretende ademais fomentar o lecer creativo e saudable entre a xente moza e promover a diversidade artística e cultural.
Fonte: O Portal da Lingua Galega
Valentín García enxalza a “relevante contribución ao prestixio e fomento da lectura en galego” do Premio Narrativa Breve Repsol, co que colabora a Xunta
O secretario xeral da Lingua, Valentín García, enxalzou hoxe a “relevante contribución ao prestixio e fomento da lectura en galego” do Premio Narrativa Breve Repsol en Lingua Galega, que apoia a Xunta. Fíxoo durante a entrega do galardón á gañadora da XIX edición, Carmen V. Valiña, pola obra A illa que supuraba sangue.
Fonte: O Portal da Lingua Galega
Valentín García participa na entrega de premios do Certame de Curtas Documentais Carlos Asorey
A Fundación Paco Lareo-A Solaina de Piloño acolleu a entrega de premios do I Certame de Curtas Documentais Carlos Asorey, impulsado por esta entidade en colaboración coa Xunta de Galicia, a través da Consellería de Cultura, Lingua e Xuventude.
Fonte: O Portal da Lingua Galega
Segundo un informe, o galego alcanza a porcentaxe máis alta de uso nas aulas da Universidade de Santiago
O novo Informe sobre o uso do galego evidencia que a lingua avanza con forza na USC, ao chegar ao 29,2 % das horas lectivas, a cifra máis elevada desde que hai rexistros. O crecemento concéntrase sobre todo en tres áreas de coñecemento que xa incorporan o galego como lingua central da docencia. O número de centros que superan o 50 % de ensino en galego duplicouse, e case dúas quintas partes do alumnado reciben clases maioritariamente nesta lingua.
Entréganse os premios do VI Certame Galetiktokers
A gala do VI Certame Galetiktokers celebrouse en Bertamiráns para recoñecer a creatividade da mocidade que desenvolve contidos en galego nas redes. Nesta edición presentáronse 56 vídeos elaborados por máis de cen participantes, un incremento notable respecto ao ano anterior. A iniciativa pretende reforzar a presenza do galego nos novos formatos dixitais e apoiar a comunidade de creadoras e creadores que empregan esta lingua.
Fonte: Concello de Ames
O Concello de Redondela organiza unha actividade para achegarlle as matemáticas en galego ao alumnado
O Concello de Redondela celebra o Día da Ciencia en Galego coa actividade «Matemaxia», unha proposta divulgativa que une maxia e matemáticas para achegar as ciencias en galego ao alumnado e combater prexuízos sobre o seu ensino nesta lingua. A iniciativa, protagonizada polo Mago Paco, percorre ao longo do mes todos os centros públicos de primaria do municipio.
Fonte: Faro de Vigo
Pontevedra contará cun mapa sociolingüístico escolar elaborado pola Real Academia Galega
O Concello de Pontevedra presentou a posta en marcha na cidade do programa «Modo galego, actívao!», unha iniciativa coordinada coa RAG e coas comunidades educativas de infantil e primaria para favorecer que as nenas e os nenos incorporen o galego nos seus espazos de socialización. A proposta inclúe a elaboración dun mapa sociolingüístico de cada centro e da cidade, proceso no que participarán profesorado e familias. O proxecto nace ante a perda de galegofalantes en ámbitos urbanos e procura fortalecer a transmisión e o uso natural da lingua desde idades temperás.
Fonte: Pontevedra Viva
Boletín
Subscríbase ao boletín
