O Concello de Pontevedra pon en marcha novas actividades do programa Apego, que ten como obxectivo proporcionarlles ás familias recursos para incrementar o uso do galego nas relacións cos seus fillos e fillas.

Fonte: La Voz de Galicia

O CEIP do Foxo, en colaboración coa Asociación de Comerciantes da Estrada e a Asociación Comarcal de Empresarios, impulsa a campaña de etiquetaxe de agasallos en galego "Bicos a moreas" co lanzamento de 15 000 etiquetas cun debuxo realizado polo alumnado do centro acompañado dunha frase nesta lingua.

Fonte: Faro de Vigo

A Consellería de Cultura e Turismo, a través da Secretaría Xeral de Política Lingüística, apoia as accións de promoción do uso do galego impulsadas desde a Asociación Galega de Áridos (Arigal), no marco do desenvolvemento do Plan de dinamización da lingua galega no tecido económico 2016-2020 aprobado pola Xunta.

Fonte: O Portal da Lingua Galega

O Catálogo de Nadal 2018 recolle propostas de agasallos en galego para estas festas que ofrecen as empresas adscritas ao proxecto Abertos ao Galego. A idea deste proxecto é animar a que se merquen produtos nesta lingua e fomentar, así mesmo, un consumo responsable que aposte pola calidade e a proximidade.

Fonte: Consello da Cultura Galega

O Boletín Oficial da Provincia de Pontevedra publicou a aprobación definitiva, despois de pasar por unha fase de información pública, da Ordenanza de impulso do galego no Concello de Oia.

Fonte: CTNL

O escritor monfortino Antón Lopo recibiu o XII Premio de Narrativa Breve Repsol, convocado pola Fundación Repsol e a Secretaría Xeral de Política Lingüística e dotado con 12 000 euros e coa publicación da obra por Galaxia.

Fonte: O Portal da Lingua Galega

A Asociación PuntoGal presentou no Culturgal a súa nova liña de colaboración con iniciativas de localización de software en galego e de recursos TIC, entre as que destaca un proxecto piloto para patrocinar a tradución e mellorar as ferramentas do navegador Firefox.

Fonte: Código Cero

O Portal das Palabras acaba de abrir o prazo para a presentación de candidatas a converterse en Palabra do Ano, unha iniciativa aberta á cidadanía para que escolla o termo que mellor resuma o acontecido neste 2018.

Fonte: Real Academia Galega

O secretario xeral de Política Lingüística da Consellería de Cultura e Turismo, Valentín García, e o xefe territorial da Coruña da Consellería de Educación, Universidade e Formación Profesional, Indalecio Cabana, celebraron con máis de 200 alumnos e alumnas do coruñés CEIP Emilia Pardo Bazán o Día Internacional das Persoas con Discapacidade Intelectual.

Fonte: O Portal da Lingua Galega

O Concello de Betanzos puxo en marcha a terceira edición do Concurso de cartas aos Reis Magos coa intención animar as nenas e nenos a que lles escriban as súas cartas en galego aos Reis Magos.

Fonte: Concello de Betanzos