Galicia
Denuncian a desaparición do galego no Hospital Álvaro Cunqueiro de Vigo
A Irmandade da Sanidade Galega (Isaga) denuncia a progresiva desaparición do galego en varios ámbitos do Hospital Álvaro Cunqueiro de Vigo, como o aparcadoiro, os ascensores, os impresos para as citas e as consultas ou os resultados analíticos.
Fonte: Xornal de Vigo
A Real Academia Galega defende a necesidade de que a toponimia galega sexa declarada patrimonio da humanidade
A declaración da toponimia de Galicia pola Unesco como patrimonio cultural da humanidade é unha vella aspiración da Real Academia Galega, unha idea que defendeu o académico Vicente Feijoo Ares ante a Real Sociedade Xeográfica.
Fonte: Galicia Confidencial
O Concurso-Exposición Letras Galegas convida os centros educativos a afondar na figura de Antón Fraguas
Xa está publicada no Portal da Lingua Galega e no Portal Educativo unha nova convocatoria do Concurso-Exposición Letras Galegas, que cada ano se leva adiante co obxectivo de potenciar o coñecemento do autor homenaxeado o 17 de maio, da situación sociolingüística que lle tocou vivir e, en xeral, da súa época histórica.
Fonte: O Portal da Lingua Galega
Os XXIX premios San Martiño recoñecen o labor a prol da lingua de Pereira Valcárcel, Lema Suárez e Uxía
O secretario xeral de Política Lingüística, Valentín García, participou na entrega dos XXVIII Premios San Martiño de Normalización ao escritor Manuel Pereira Valcárcel, na modalidade A Estrada e Comarca de Terra de Montes; á cantora Uxía, na modalidade Galicia Enteira, e ao profesor Xosé María Lema Suárez, na de Toda unha vida.
Fonte: O Portal da Lingua Galega
A Real Academia Galega e a ONCE colaborarán para proporcionarlles recursos en galego ás persoas con discapacidade visual
Ambas as institucións asinaron un protocolo de colaboración que permitirá, entre outras cousas, que as persoas cegas e con discapacidade visual dispoñan dos recursos lingüísticos e técnicos necesarios para se expresar oralmente e por escrito en galego.
Fonte: Real Academia Galega
Valentín García participa en Cabana de Bergantiños na presentación de Poemas que non foron ao lume
O secretario xeral de Política Lingüística, Valentín García, participou na presentación da obra Poemas que non foron ao lume, de Matilde Vilariño Pose.
Fonte: O Portal da Lingua Galega
Feijóo reúnese coa directora xeral da Comunidade dos Países de Língua Portuguesa, Georgina Benrós de Mello
O presidente da Xunta, Alberto Núñez Feijóo, reuniuse coa directora xeral da Comunidade dos Países de Língua Portuguesa, Georgina Benrós de Mello.
Fonte: O Portal da Lingua Galega
Xabier López gaña o XXX Premio Torrente Ballester en galego da Deputación da Coruña
A nova edición do Premio Torrente Ballester de narrativa en lingua galega, que convoca a Deputación da Coruña, xa ten gañador, o escritor Xabier López coa novela 900, que recibirá 25 000 € de premio.
Fonte: Deputación da Coruña
O Concello de Ames convoca o I Premio Lingua e Empresa
O Concello de Ames convoca a primeira edición do Premio Lingua e Empresa co obxectivo de fomentar o uso do galego na actividade empresarial amesá, un galardón ao que poderán optar as que teñan sede social ou centro de actividade no municipio.
Fonte: Concello de Ames
O Concello de Vigo organiza un obradoiro para elaborar textos informativos en galego
O obradoiro “Moito por dicir” está dirixido a persoas adultas (en concreto, membros de asociacións veciñais, entidades deportivas e culturais ou ANPAS) interesadas en mellorar a súa competencia lingüística no que respecta á elaboración de textos de carácter informativo (notas de prensa, artigos, reportaxes etc.).
Fonte: Consello da Cultura Galega
Boletín
Subscríbase ao boletín
