O conselleiro de Cultura e Turismo, Román Rodríguez, foi o encargado de entregarlle o premio de Mellor Tema Musical Portugués a Salvador Sobral no marco da gala aRi[t]mar, evento no que se entregan os premios da música e da poesía galega e portuguesa.

Fonte: O Portal da Lingua Galega

O Instituto Galego de Estatística (IGE) vén de publicar a Estatística de nomes dos neonatos galegos correspondente ao ano 2017, que reflicte que ‘Sofía’ e ‘Martín’ continúan sendo os nomes máis frecuentes das nenas e nenos nados en Galicia.

Fonte: Xunta de Galicia

Os Premios San Martiño de Normalización Lingüística, que convoca a Asociación Cultural O Brado, teñen como obxectivo recoñecer o labor de persoas e colectivos a prol da promoción da lingua galega.  

Fonte: Consello da Cultura Galega

A Consellería de Cultura e Turismo, en colaboración coa de Educación, Universidade e Formación Profesional, promove a celebración do mes da ciencia en galego cunha completa programación de actividades ao longo de todo novembro dirixida á posta en valor das bibliotecas e mais do seu papel impulsor da creación e da divulgación científicas na lingua propia de Galicia.

Fonte: O Portal da Lingua Galega

O Concello de Silleda, en colaboración cos centros educativos e o comercio local, pon en marcha a quinta edición de Silledagasalla, unha iniciativa coa que se pretende impulsar a lingua galega entre a poboación. O certame consiste na elaboración de lemas en galego por parte do alumnado que posteriormente acompañarán os agasallos de Nadal que se merquen nos establecementos comerciais.

Fonte: Faro de Vigo

A Mesa pola Normalización Lingüística denuncia neste informe o incumprimento da Carta europea das linguas rexionais ou minoritarias en Galicia, o que aumenta a vulneración dos dereitos lingüísticos en ámbitos como a educación, a xustiza ou a Administración pública.

Fonte: El Correo Gallego

A XXIV edición do Premio San Clemente Rosalía-Abanca, convocado pola Asociación Cultural Instituto Rosalía de Castro e Abanca co apoio da Secretaría Xeral de Política Lingüística, xa ten gañadores.

Fonte: O Portal da Lingua Galega

O Centro Ramón Piñeiro para a Investigación en Humanidades (CRPIH), por medio do Proxecto Terminoloxía Científico-Técnica en Lingua Galega (Termigal), editou a nova Guía dos elementos químicos. Historia, propiedades e aplicacións, unha publicación divulgativa continuadora da obra O nome e o símbolo dos elementos químicos (2006), coa que se pretende dar a coñecer os elementos que conforman a táboa periódica.

Fonte: O Portal da Lingua Galega

PuntoGal, o dominio da lingua e a cultura galegas en internet, en colaboración con Dinahosting, celebrará o Samaín cun concurso de microrrelatos no que, a partir dun texto inicial en galego de Rosa Aneiros, as persoas participantes deberán continuar a historia onde a deixou a escritora.

Fonte: Asociación PuntoGal

O secretario xeral de Política Lingüística, Valentín García, participou no Museo Pedagóxico de Galicia (MUPEGA), na inauguración das XI Jornadas de Actualização Docente de PLE (português língua estrangeira).

Fonte: O Portal da Lingua Galega