O Concello de Betanzos envioulle ao empresario unha orde de derrubamento redactada en lingua galega. El rexeitouna e solicitou que lla remitisen en castelán alegando descoñecer certa terminoloxía.

Fonte: La Voz de Galicia

O conselleiro de Cultura, Educación e Ordenación Universitaria, Román Rodríguez, deulles a benvida a máis de 400 dos auxiliares de conversa de 14 nacionalidades que prestarán servizo este curso no sistema educativo galego.

Fonte: Xunta de Galicia

A Axencia para a Modernización Tecnolóxica de Galicia (Amtega), en colaboración co Instituto da Lingua Galega (ILG) da Universidade de Santiago de Compostela (USC) e a Secretaría Xeral de Política Lingüística, pon a disposición da cidadanía no Repositorio de Software Libre da Xunta o Dicionario da pronuncia da lingua galega. Isto permitirá que calquera persoa usuaria interesada poida empregalo, modificalo e distribuílo libremente.

Fonte: Xunta de Galicia

A Coordinadora Galega de Equipos de Normalización e Dinamización Lingüística rexeita o Premio da Cultura Galega 2015 na modalidade de Lingua por mostrarse contraria á política lingüística que leva a cabo a Xunta.

Fonte: Galicia Confidencial

O secretario xeral de Política Lingüística, Valentín García Gómez, inaugurou na Facultade de Filoloxía da universidade compostelá (USC) o II Congreso Internacional da Rede de Lexicografía (RELEX).

Fonte: Xunta de Galicia

O V Concurso Radiofónico de Teatro Lido Desata a Lingua!!, dirixido ao alumnado de 2º ciclo da ESO e do Bacharelato, ten como obxectivo dinamizar o uso oral e escrito do galego entre a mocidade.

Fonte: Concello de Ames

O secretario xeral de Política Lingüística, Valentín García, presentou na Cidade da Cultura a nova actividade en xira do programa de dinamización lingüística FalaRedes 2015, que a Consellería de Cultura, Educación e Ordenación Universitaria levará por entidades adscritas á Rede de Dinamización Lingüística (RDL) da Xunta de Galicia.

Fonte: Xunta de Galicia

O programa para o fomento do galego da Deputación da Coruña está dirixido ao persoal da propia institución e ao dos concellos e entidades adheridas ao plan de formación.

Fonte: Consello da Cultura Galega

A Mesa pola Normalización Lingüística solicitou no Parlamento de Galicia que o mandato marco da CRTVG conteña medidas que garantan o emprego dun galego de calidade e unha programación que lle dea prestixio á lingua.

Fonte: Galicia Hoxe

A rede de centros plurilingües de Galicia, posta en marcha pola Xunta en 2010 para mellorar a aprendizaxe de linguas estranxeiras, contará este curso con seis membros novos: Compañía de María e Valle Inclán I, en Ferrol; Jorge Juan e CEIP O Ramo, en Fene; Virxe da Cela, en Monfero; e Virxe do Mar, en Narón.

Fonte: La Voz de Galicia