David Casado, profesor da Facultade de Ciencias da Educación do campus de Ourense da Universidade de Vigo dirixirá a revista Cómaros, Revista Interdisciplinar de Pensamento Galego, que nace co obxectivo de potenciar a publicación de ensaios.

Fonte: Universidade de Vigo

A asociación PuntoGal celebrará o 25 de xullo co lanzamento dun Documento Galego de Identidade (DGI) na rede. Con esta iniciativa, a asociación quere visibilizar o orgullo de ter un dominio .gal e de sermos galegos e galegas.

Fonte: Praza Pública

Desta volta, o prexudicado foi o Concello de Santiago de Compostela que viu denegada unha subvención por parte dun instituto dependente do Ministerio de Industria polo mesmo motivo que no Concello de Teo: por presentar un informe en lingua galega.

Fonte: Praza Pública

Un total de 126 concellos galegos beneficiarase das axudas da Consellería de Cultura, Educación e Ordenación Universitaria para levar a cabo accións de promoción do uso da lingua galega no ámbito local. A Secretaría Xeral de Política Lingüística publicou no Diario Oficial de Galicia (DOG) a Resolución do 13 de xullo de 2016 pola que se conceden subvencións ás entidades locais de Galicia para a promoción do uso da lingua galega.

Fonte: O Portal da Lingua Galega

O concello coruñés de Melide pechará a exitosa xira do espectáculo "Os Bolechas van ás Olimpíadas" no marco do "FalaRedes", promovido desde a Secretaría Xeral de Política Lingüística da Consellería de Cultura, Educación e Ordenación Universitaria.

Fonte: O Portal da Lingua Galega

Os cursos de verán lingua e cultura galegas –que coorganiza a Secretaría Xeral de Política Lingüística en colaboración co Instituto da Lingua Galega (ILG) da Universidade de Santiago de Compostela (USC) e mais coa Real Academia Galega (RAG)– despediron a súa vixésimo novena edición cun acto de clausura no que participou o secretario xeral de Cultura, Anxo Lorenzo.

Fonte: O Portal da Lingua Galega

Os concellos de Santiago de Compostela, A Coruña, Ferrol, Lugo, Ourense e Oroso asinaron unha carta de consumo responsable co obxectivo de fomentar as empresas que decidan etiquetar en galego.

Fonte: Praza Pública

El ayuntamiento coruñés de Melide cerrará la exitosa gira del espectáculo ‘Os Bolechas van ás Olimpíadas’ en el ‘FalaRedes’, promovido desde la Secretaría General de Política Lingüística de la Consejería de Cultura, Educación y Ordenación Universitaria.

Fuente: Xunta de Galicia

A Axencia para a Modernización Tecnolóxica de Galicia (Amtega) e a Secretaría Xeral de Política Lingüística veñen de publicar a aplicación do sistema de tradución Gaio. A app, dispoñible para os sistemas operativos IOS e Android, traslada aos dispositivos móbiles as funcionalidades de Gaio, un servizo de tradución interna da Administración autonómica que a Xunta puxo a disposición da cidadanía en setembro de 2015.

Fonte: O Portal da Lingua Galega

O secretario xeral de Política Lingüística, Valentín García, participou no Hostal dos Reis Católicos no acto de sinatura da Carta de Consumo Responsable e Solidario coas Marcas que Etiquetan en Lingua Galega de catorce empresas e mais dos concellos de Santiago de Compostela, A Coruña, Ourense, Lugo, Ferrol e Oroso.

Fonte: O Portal da Lingua Galega