Galicia
Segundo un estudo, os falantes bilingües en galego e castelán adaptan o seu estilo en conversacións conflitivas
Un estudo realizado polo investigador da Universidade de Vigo Jorge Diz Ferreira achega diversas conclusións sobre as interaccións entre falantes bilingües galego-castelán.
Fonte: Galicia Confidencial
A Mesa pola Normalización Lingüística denunciará en Europa a negación de axudas a concellos por presentar documentos en galego
Esta queixa vén motivada pola denegación aos concellos de Teo, Compostela e Santa Comba dunha axuda do Ministerio de Industria, Enerxía e Turismo por presentar en galego algún dos informes achegados na petición.
Fonte: Sermos Galiza
O Concello de Santiago pon en marcha un programa para que as nenas e os nenos se socialicen en galego
O obxectivo do programa "Despois de merendar… a rúa é nosa!" é que os cativos xoguen libremente nas rúas empregando o galego.
‘Contos vellos para rapaces novos’ homenaxeará a Neira Vilas en 24 concellos da Rede de Dinamización
A actividade de dinamización lingüística 'Contos vellos para rapaces novos' homenaxeará a Xosé Neira Vilas en 24 concellos da Rede de Dinamización Lingüística (RDL) da Xunta no marco do novo programa 'Galicia culturea. Lingua e cultura no verán'.
Fonte: O Portal da Lingua Galega
Soamente unha ducia das case 500 teses de doutoramento da Universidade de Vigo foron publicadas en galego
Estes datos correspóndense ao ano 2015, no que unha ducia de teses de doutoramento foron publicadas en galego. Os autores destas teses coinciden en que a razón principal do idioma foi a coherencia, compromiso coa lingua e a cultura galega, e o convencemento de que o galego é tan válido como calquera outra lingua.
Fonte: Universidade de Vigo
‘O Galego campa’ chegará en agosto a seis novos campamentos de verán da Xunta de Galicia
O programa de dinamización lingüística 'O galego campa!’ para promover a actividade en lingua galega nos campamentos de verán da Xunta de Galicia continuará a súa andaina en Bergondo, Ribadeo, Palas de Rei, Muíños, Vilanova de Arousa e Manzaneda.
Fonte: O Portal da Lingua Galega
‘Falaredes’ levou versos, risas, bailes e cancións a milleiros de familias no primeiro semestre do ano
O programa tivo éxito de público nos catro espectáculos programados no primeiro semestre do ano, que percorreron ducias de concellos nas catro provincias galegas sumando case oitenta funcións.
Fonte: O Portal da Lingua Galega
Valentín García participa en Cangas na presentación da obra 'Un globo de novelos'
O secretario xeral de Política Lingüística, Valentín García, participou na presentación da obra 'Un globo de novelos', de Mª Dolores González-Chamadoira.
Fonte: O Portal da Lingua Galega
O programa ‘No verán… un conto’ difundirá o patrimonio oral do galego na cidade de Vigo
Este programa está organizado polo Centro de Interpretación da Oralidade e polo Servizo de Normalización Lingüística do Concello de Vigo, co obxectivo de difundir o patrimonio oral galego a través de actividades para o público familiar e infantil.
Fonte: Consello da Cultura Galega
Valentín García presenta en Boiro ‘O zapateiro e o raposo’, que chegará a dezaseis concellos da Rede
O secretario xeral de Política Lingüística, Valentín García, presentou no concello coruñés de Boiro a nova actividade ‘O zapateiro e o raposo’, que chegará a dezaseis concellos da Rede de Dinamización Lingüística (RDL) da Xunta de Galicia no marco das propostas lingüísticas que integran o novo programa ‘Galicia culturea’.
Fonte: O Portal da Lingua Galega
Boletín
Subscríbase ao boletín
