O conselleiro de Cultura, Educación e Ordenación Universitaria, Román Rodríguez, destacou que o disco 'Son galego, son cubano' narra a emigración "a través dun dos persoeiros que mellor a coñeceu: Neira Vilas". Así o subliñou con motivo da presentación do proxecto ideado polo músico Roi Casal e polo finado escritor galego, no que tamén participaron recoñecidos persoeiros do mundo da cultura cubana, coma o compositor Pablo Milanés, a cantante Laritza Bacallao e a cineasta Natasha Vázquez.

Fonte: O Portal da Lingua Galega

A Consellería de Cultura e Educación leva ata os municipios de Verín, Vilalba, Viana do Bolo, O Pereiro de Aguiar, Celanova e Burela as propostas de dinamización lingüística do programa 'FalaRedes', que a Secretaría Xeral de Política Lingüística lles destina ás entidades adscritas á Rede de Dinamización Lingüística (RDL) da Xunta de Galicia.

Fonte: O Portal da Lingua Galega

Valentín García Gómez, secretario xeral de Política Lingüística, presentou na sede da Real Academia Galega (RAG) na Coruña o ciclo de debate “No tempo das Irmandades: fala, escrita e prelos”.

Fonte: O Portal da Lingua Galega

O Portal das Palabras é unha iniciativa conxunta da Real Academia Galega e da Fundación Barrié para a difusión da lingua galega no ámbito tecnolóxico. Recentemente incorporaron novas funcionalidades e versións das súas aplicacións móbiles.

Fonte: Real Academia Galega

A Biblioteca Pública de Santiago Ánxel Casal convida a se achegar á figura e á obra do escritor homenaxeado coas Letras Galegas 2016 a través da exposición itinerante ‘Manuel María. Beleza, amor e compromiso’, que se pode visitar na capital galega.

Fonte: O Portal da Lingua Galega

O secretario xeral de Política Lingüística, Valentín García, clausurou no Pazo de San Roque o Congreso Internacional 'Guerras e Conflitos de Onte e de Hoxe (Literatura e Arte)', organizado pola Consellería de Cultura e Educación.

Fonte: O Portal da Lingua Galega

A Consellería de Cultura, Educación e Ordenación Universitaria, por medio da Secretaría Xeral de Política Lingüística, publicou no Diario Oficial de Galicia a Resolución do 8 de xuño de 2016, pola que se anuncia, con carácter voluntario e gratuíto, a convocatoria de cursos de lingua galega preparatorios das probas para obter os certificados de lingua galega Celga 2, Celga 3 e Celga 4.

Fonte: O Portal da Lingua Galega

O secretario xeral de Política Lingüística, Valentín García, foi o encargado de ler na Carballeira de Pousada, en Curantes, o pregón da XX edición da Festa dos Pereiriños.

Fonte: O Portal da Lingua Galega

A Mesa pola Normalización Lingüística aproveita a campaña electoral para pedir a todas as formacións políticas un novo decreto do galego no ensino.

Fonte: Sermos Galiza

A Consellería de Cultura, Educación e Ordenación Universitaria da Xunta de Galicia, representada no secretario xeral de Política Lingüística, participou na presentación do libro O Camiño Francés no Códice Calixtino, do historiador Francisco Singul e do artista plástico Cándido Pazos, que se celebrou na sala de Ámbito Cultural do Corte Inglés de Callao, en Madrid.

Fonte: O Portal da Lingua Galega