A Xunta de Galicia congratúlase pola decisión da Real Academia Galega (RAG) de dedicar o Día das Letras 2017 a Carlos Casares, e traballa xa na homenaxe que todas as galegas e galegos lle renderán ao escritor ourensán o vindeiro ano.

Fonte: O Portal da Lingua Galega

A Real Academia Galega incorporou novos membros. A última persoa que se incorporou á institución foi a escritora e catedrática Marilar Aleixandre, que é agora membro de pleno dereito.

Fonte: Cultura galega

A Xunta de Galicia lamenta o pasamento do escritor Agustín Fernández Paz, un dos autores máis coñecidos e valorados no ámbito da literatura infantil e xuvenil en Galicia e no conxunto de España.

Fonte: O Portal da Lingua Galega

A Consellería de Cultura, Educación e Ordenación Universitaria lembra que o 16 de xullo remata o prazo de inscrición nos cursos preparatorios das probas de acreditación dos niveis de lingua galega Celga 2, Celga 3 e Celga 4, convocados por medio da Secretaría Xeral de Política Lingüística no Diario Oficial de Galicia (DOG) do pasado 17 de xullo a través da Resolución do 8 de xuño de 2016, pola que se anuncia, con carácter voluntario e gratuíto, a convocatoria de cursos de lingua galega preparatorios das probas para obter os certificados de lingua galega Celga 2, Celga 3 e Celga 4.

Fonte: O Portal da Lingua Galega

A cativada do concello pontevedrés de Tui terá ocasión de gozar dos Bolechas no marco da penúltima cita da actividade 'Os Bolechas van ás Olimpíadas' da edición 2016 do programa de dinamización lingüística 'FalaRedes', que a Secretaría Xeral de Política Lingüística destina ás entidades adscritas á Rede de Dinamización Lingüística (RDL) da Xunta de Galicia.

Fonte: Xunta de Galicia

O conselleiro presentou na compostelá praza das Praterías o novo programa da Consellería de Cultura, Educación e Ordenación Universitaria, "Galicia Culturea". Unha iniciativa que durante os meses de xullo, agosto e setembro ofrecerá ao longo da xeografía galega unha completa oferta cultural e de ocio pensada para todos os públicos.

Fonte: O Portal da Lingua Galega

A exposición itinerante "Manuel María. Beleza, amor e compromiso", promovida pola Consellería de Cultura, Educación e Ordenación Universitaria, por medio das secretarías xerais de Cultura e de Política Lingüística, e mais pola Casa Museo Manuel María, despide Marín tras facer parada no Museo Municipal Manuel Torres deste concello pontevedrés. A próxima parada será a Casa da Cultura de Noia.

Fonte: O Portal da Lingua Galega

A Deputación da Coruña outorgou o VII Premio Rosalía de Castro de Lingua ao escritor Xabier DoCampo polo seu labor literario e compromiso coa lingua do país. Por outra banda, na nova categoría de normalización da lingua en infantil e xuvenil, o premio recaeu no Correlingua e na Escola de Ensino Galego "Semente".

Fonte: Sermos Galiza

O conselleiro de Cultura, Educación e Ordenación Universitaria, Román Rodríguez, participou no acto de conmemoración do 131 aniversario do pasamento de Rosalía de Castro, no que definiu a precursora das nosas letras como un símbolo equiparable á bandeira, ao escudo e ao himno. “Unha figura que nos une aos galegos e galegas e que queremos como unha gran nai símbolo de todos e todas nós”, salientou.

Fonte: O Portal da Lingua Galega

"O galego campa!", o programa dirixido á mocidade participante nos campamentos de verán da Xunta de Galicia, que promoven a Secretaría Xeral de Política Lingüística e a Dirección Xeral de Xuventude, Participación e Voluntariado, segue a dinamizar a lingua galega durante as vacacións estivais.

Fonte: O Portal da Lingua Galega