Galicia
Modesto Fraga recibe o XIX premio de poesía Concello de Carral pola súa obra ‘Devalar sen pel’
Modesto Fraga recibiu o premio do XIX Certame de Poesía Concello de Carral, pola súa obra Devalar sen pel, nun acto no que tamén se presentou a edición do poemario gañador na pasada edición de 2015, Soño e vértice, de Eva Veiga, publicado co apoio da Consellería de Cultura e Educación.
Fonte: O Portal da Lingua Galega
Remata a terceira edición do programa de dinamización lingüística Dragal
A terceira edición do programa dinamización lingüística Dragal, que promove a Secretaría Xeral de Política Lingüística a través dos equipos de dinamización da lingua galega, pechouse coa derradeira das actividades deseñadas para este curso académico: a entrega de diplomas de participación e o xogo de rol do “Encontro da Fraternidade”.
Fonte: O Portal da Lingua Galega
Cultura e Educación e a Asociación da Prensa da Coruña presentan o libro "Antón Villar Ponte e as Irmandades da Fala"
A Asociación da Prensa da Coruña e a Consellería de Cultura, Educación e Ordenación Universitaria presentan o libro Antón Villar Ponte e as Irmandades da Fala, unha obra que acaba de ver a luz co obxectivo de difundir a relevancia deste movemento histórico no desenvolvemento cultural de Galicia, así como o labor das persoas que o impulsaron.
Fonte: O Portal da Lingua Galega
A Deputación de Ourense convoca o certame Blanco Amor de novela longa que premia obras escritas en galego
A Deputación de Ourense asume desde este ano a organización deste galardón que premia novelas en galego e que chega á súa 35 edición.
Fonte: Faro de Vigo
O Concello de Santiago convoca un concurso que premia o uso do galego na comunicación comercial
Co obxectivo de fomentar o uso do galego na publicidade do tecido empresarial compostelán, o Concello convoca o VI Concurso de proxectos de publicidade comercial en galego.
Fonte: Consello da Cultura Galega
A vixésimo segunda edición dos Premios Lois Peña Novo para o impulso do galego nas administracións xa ten gañadores
Francisco Díaz-Fierros Viqueira, Xosé Manuel Cid Fernández e o Concello de Brión foron os galardoados pola súa utilización do galego.
Fonte: Consello da Cultura Galega
O concello lugués de Vilalba acolle a mostra 'Manuel María. Beleza, amor e compromiso' do 1 ao 15 de xuño
A mostra itinerante 'Manuel María. Beleza, amor e compromiso (1929-2004)' chega a Vilalba, outra das vilas emblemáticas da vida e da obra de Manuel María Fernández Teixeiro, o autor ao que Real Academia Galega lle rendeu tributo o 17 de maio.
Fonte: O Portal da Lingua Galega
Política Lingüística e a EGAP impulsan a formación en galego do funcionariado cunha convocatoria de cursos para 270 prazas
A Consellería de Cultura, Educación e Ordenación Universitaria, a través da Secretaría Xeral de Política Lingüística, e máis a Escola Galega de Administración Pública (EGAP) convocan cinco novos cursos de formación en galego dirixidos a reforzar a capacitación lingüística do persoal ao servizo da Administración pública de Galicia.
Fonte: O Portal da Lingua Galega
O Servizo de Normalización Lingüística do Concello de Redondela organiza o I Concurso de teatro radiofónico
Este concurso de teatro radiofónico está destinado ao alumnado de 3º ciclo de primaria e da ESO. Haberá un premio á mellor dramatización radiofónica e un premio á calidade lingüística.
Fonte: SNL de Redondela
O Centro de Estudos Galegos de Salamanca renova o seu lectorado de lingua, literatura e cultura galegas
O Portal da Lingua Galega (www.lingua.gal) fixo pública a convocatoria dunha nova praza de lector ou lectora de lingua, literatura e cultura galegas no Centro de Estudos Galegos da Universidade de Salamanca.
Fonte: O Portal da Lingua Galega
Boletín
Subscríbase ao boletín
