Galicia
A Xunta participa na homenaxe a Pura e Dora Vázquez na VIII Festa da Palabra
O conselleiro de Cultura, Educación e Ordenación Universitaria, Román Rodríguez, e a conselleira do Medio Rural, Ángeles Vázquez, participaron na homenaxe que a VIII Festa da Palabra lle rendeu a Pura e Dora Vázquez na Insua dos Poetas, na localidade ourensá do Carballiño.
Fonte: O Portal da Lingua Galega
Denuncian a deturpación dos topónimos na Costa da Morte
A Mesa pola Normalización Lingüística de Bergantiños denunciou o uso de topónimos deturpados en sinais da rede viaria da comarca da Costa da Morte.
Correlingua dedica o premio Rosalía de Castro ao profesorado e alumnado dos centros educativos participantes
Correlingua expresou o seu agradecemento tras recibir o premio Rosalía de Castro na categoría de iniciativas normalizadoras destinadas á infancia e á mocidade. Esta condecoración serve de recoñecemento ao labor das entidades colaboradoras e sobre todo á participación do alumnado e profesorado dos centros de ensino.
Fonte: Sermos Galiza
Cultura e Educación e a Comisión Fulbright colaborarán para incorporar máis auxiliares de conversa
O conselleiro de Cultura, Educación e Ordenación Universitaria, Román Rodríguez, asinou un convenio de colaboración con Emilia A. Puma, copresidenta da Comisión Fulbright de Intercambio Cultural, Educativo e Científico entre España e os Estados Unidos de América para a incorporación de 12 auxiliares de conversa de alto perfil académico o vindeiro curso ao sistema educativo galego.
Fonte: Xunta de Galicia
Publícanse as conclusións do curso de verán sobre dinamización lingüística no ámbito socioeconómico de Carballo
Os organizadores do curso de verán sobre dinamización lingüística de Carballo organizado pola Universidade da Coruña, coa colaboración da Coordinadora de Traballadores/as de Normalización da Lingua (CTNL), a Secretaría Xeral de Política Lingüística e o propio Concello de Carballo presentaron, a modo de conclusión, unhas recomendacións para incrementar o uso da lingua galega no ámbito empresarial.
Fonte: Praza Pública
O Estado tomba un proxecto ao Concello de Teo por presentar un informe en galego
O Estado denegou unha axuda tramitada polo Concello de Teo para renovar o alumeado público municipal porque un dos informes presentados polo ente local estaba só en galego.
Fonte: Praza Pública
Nace unha revista de pensamento galego co obxectivo de potenciar a publicación de ensaios
David Casado, profesor da Facultade de Ciencias da Educación do campus de Ourense da Universidade de Vigo dirixirá a revista Cómaros, Revista Interdisciplinar de Pensamento Galego, que nace co obxectivo de potenciar a publicación de ensaios.
Fonte: Universidade de Vigo
A asociación PuntoGal celebra o seu segundo aniversario co lanzamento dun documento de identidade na rede
A asociación PuntoGal celebrará o 25 de xullo co lanzamento dun Documento Galego de Identidade (DGI) na rede. Con esta iniciativa, a asociación quere visibilizar o orgullo de ter un dominio .gal e de sermos galegos e galegas.
Fonte: Praza Pública
O Ministerio de Industria volve denegar unha subvención a un ente público por presentar un informe en galego
Desta volta, o prexudicado foi o Concello de Santiago de Compostela que viu denegada unha subvención por parte dun instituto dependente do Ministerio de Industria polo mesmo motivo que no Concello de Teo: por presentar un informe en lingua galega.
Fonte: Praza Pública
Un total de 126 concellos recibe axudas da Consellería de Cultura e Educación para promover o uso do galego
Un total de 126 concellos galegos beneficiarase das axudas da Consellería de Cultura, Educación e Ordenación Universitaria para levar a cabo accións de promoción do uso da lingua galega no ámbito local. A Secretaría Xeral de Política Lingüística publicou no Diario Oficial de Galicia (DOG) a Resolución do 13 de xullo de 2016 pola que se conceden subvencións ás entidades locais de Galicia para a promoción do uso da lingua galega.
Fonte: O Portal da Lingua Galega
Boletín
Subscríbase ao boletín
