Galicia
1500 mozos gozaron este verán dos campamentos de promoción da lingua galega ‘O galego campa!’
'O galego campa!', o programa de dinamización lingüística da Secretaría Xeral de Política Lingüística e da Dirección Xeral de Xuventude, Participación e Voluntariado, chegou á súa fin tras promover o uso do galego entre 1479 rapaces asistentes a 17 campamentos da Acción de Verán 2016 da Xunta de Galicia.
Fonte: O Portal da Lingua Galega
Denuncian que a lingua de signos galega podería desaparecer por falta de apoio
Nun artigo publicado na revista Estudios de Lingüística Galega da Universidade de Santiago de Compostela (USC), Cristina González Abelaira, profesora da USC, denuncia que a lingua galega de signos está condenada a desaparecer por falta de apoio.
Fonte: Galicia Confidencial
‘Palabras máxicas’ para encher de lingua a apertura da XLII Festa da Empanada da Bandeira
O secretario xeral de Política Lingüística e o alcalde de Silleda presentaron o espectáculo ‘Palabras Máxicas’, a nova proposta do ‘Galicia culturea’ coa que o mago Dani García abrirá os festexos.
Fonte: O Portal da Lingua Galega
Ábrese unha nova inscrición do curso de preparación para obter o Celga 2 na Comarca de Ordes
O curso organizado polo Servizo de Normalización Lingüística da Mancomunidade de Municipios da Comarca de Ordes diríxese a aquelas persoas que queiran adquirir competencias básicas en lingua galega.
Fonte: El Ideal Gallego
Os talleres ‘Coñecendo Redondela’ divulgarán o patrimonio e a microtoponimia entre os rapaces do municipio
Estes talleres, organizados polo Servizo de Normalización Lingüística e a Consellería de Cultura de Redondela, divulgarán o patrimonio arquitectónico da localidade entre os máis cativos.
Concedidas as axudas á edición en galego de materiais didácticos para o ensino non universitario
O Diario Oficial de Galicia publica a resolución pola que se conceden axudas para a edición en lingua galega de recursos didácticos curriculares para niveis non universitarios, á que se destinan 170 000 euros.
Fonte: O Portal da Lingua Galega
A Escola Galega de Administración Pública oferta por primeira vez un curso de lingua de signos
Este curso de lingua de signos está dirixido a todos os empregados públicos da Administración autonómica e será impartido polo persoal da Federación de asociacións de persoas xordas de Galicia.
Fonte: Xunta de Galicia
A Universidade de Vigo publica o seu catálogo de cursos de galego para o vindeiro cuadrimestre
A Área de Normalización Lingüística da Universidade de Vigo ofrece diferentes cursos presenciais e virtuais centrados en varios temas como linguaxe sanitaria, extensión cultural, redacción de documentos administrativos etc.
Fonte: La Región
Danse a coñecer os galardoados do XLII Certame Literario de Vilalba que premia poemarios en lingua galega
Os galardoados deste certame organizado polo Concello de Vilalba son:
-Primeiro premio: Telúrica de Xosé Otero Canto.
-Segundo premio: Sonetos Preposicionais de María José Lamas Fernández.
Fonte: Concello de Vilalba
Valentín García asiste ao espectáculo de contacontos 'Contos vellos para rapaces novos'
O secretario xeral de Política Lingüística, Valentín García, asistiu ao espectáculo de contacontos 'Contos vellos para rapaces novos' en Pontecesures.
Fonte: O Portal da Lingua Galega
Boletín
Subscríbase ao boletín
