Galicia
A Universidade de Vigo imparte sete cursos teóricos e prácticos sobre expresión escrita e oral en galego
A Área de Normalización Lingüística da Universidade de Vigo impartirá sete cursos de galego, que tratarán temas como a linguaxe administrativa, a sanitaria ou o uso do galego na investigación e a ciencia.
Fonte: Universidade de Vigo
Os equipos de dinamización comezan o curso con novas propostas para estudar e vivir en galego
A Secretaría Xeral de Política Lingüística, no cumprimento das funcións que ten asignadas, ofrece no Portal da Lingua Galega unha mostra dos materiais máis representativos, coa finalidade de divulgalos e de estender, deste xeito, as boas prácticas na promoción do uso do galego.
Fonte: O Portal da Lingua Galega
Unha xornada analizará a responsabilidade social corporativa en galego
A xornada “Responsabilidade social corporativa en galego”, organizada polo Consello da Cultura Galega, celebrarase o 18 de outubro en Santiago de Compostela.
Fonte: Consello da Cultura Galega
Un encontro sobre onomástica galega sinala a necesidade de preservar a microtoponimia
A Xornada de Onomástica Galega, celebrada en Pontevedra, alertou do perigo de que se perda a excepcionalidade do patrimonio galego en materia de toponimia e sinalou a necesidade de acelerar a súa recolleita.
Fonte: Real Academia Galega
O Concello de Ponteceso aproba a súa Ordenanza para o impulso da lingua galega
O Boletín Oficial da Provincia da Coruña publicou a aprobación definitiva da Ordenanza para o impulso da lingua galega no Concello de Ponteceso, que declara o galego como idioma oficial deste consistorio.
Fonte: CTNL
Os sindicatos defenden a necesidade de solicitar atención en galego para frear a deslocalización das centrais de chamadas
Algunhas organizacións sindicais defenden que demandarlles atención en galego aos servizos de atención telefónica podería contribuír a frear o proceso de deslocalización que sofre este sector en Galicia.
Fonte: CRTVG
O Concello de Vigo organiza un curso de lingua galega coa auga salgada como fío condutor
Este curso ten como obxectivo ampliar o coñecemento da lingua, aprendendo léxico ou fraseoloxía relacionados coa auga salgada.
Fonte: Consello da Cultura Galega
Valentín García inaugura en Vigo o XI ciclo 'Escritores na Universidade'
O secretario xeral de Política Lingüística en funcións da Xunta de Galicia, Valentín García Gómez, participou en Vigo na inauguración do XI Ciclo de mesas redondas 'Escritores na Universidade' que se celebra ata o día 19 de outubro na Facultade de Filoloxía e Tradución da Universidade de Vigo, centrado na temática 'Teoría de contrarios'.
Fonte: O Portal da Lingua Galega
O goberno local do Concello de Pontevedra instará o resto de grupos a empregar máis o galego nos plenos
Ante o reiterado incumprimento por parte dalgúns concelleiros da normativa sobre normalización lingüística do Concello de Pontevedra, o goberno local instará o resto de grupos a empregar máis o galego durante os plenos nas intervencións e na presentación de mocións e escritos.
Fonte: La Voz de Galicia
A Mesa pola Normalización Lingüística denuncia a deturpación de topónimos galegos en medios de comunicación
A organización informa de que diversos medios de comunicación utilizaron topónimos galegos deturpados con motivo da publicación dos resultados electorais das eleccións autonómicas.
Fonte: Sermos Galiza
Boletín
Subscríbase ao boletín
