Galicia
O Concello do Porriño pon a disposición do seu persoal unha guía de linguaxe administrativa
A Guía de linguaxe administrativa ten como obxectivo proporcionarlle ao persoal do concello unha ferramenta que resolva as súas dúbidas máis recorrentes e mellore a calidade lingüística do seu traballo.
Fonte: Consello da Cultura Galega
A Deputación de Pontevedra aproba axudas a concellos para a dinamización da lingua galega
A Deputación repartirá 150 000 euros entre 35 concellos de menos de 50 000 habitantes da provincia de Pontevedra para a realización de actividades de dinamización da lingua galega.
Fonte: Deputación de Pontevedra
O secretario xeral da Lingua asiste á presentación do libro “Tradición oral recuperada das tebras. Son contos... ou Historia?”
Tradición oral recuperada das tebras. Son contos... ou Historia?, de Severino Fernández Abel e publicado pola editorial Medulia, foi presentado o venres 26 de xullo en Boqueixón.
Fonte: O Portal da Lingua Galega
Publícanse os glosarios en galego de catro deportes olímpicos
O galego é unha das linguas presentes en catro novos glosarios multilingües co léxico básico de deportes como o voleibol de praia, o trampolín, a escalada e o surf.
Un certame da Universidade de Santiago premia os subtítulos en galego de charlas e vídeos TED de divulgación científica
A Universidade de Santiago amplía o foco do concurso #TEDSaúde e ábreo á subtitulación de vídeos TED de divulgación científica en calquera ámbito, baixo o novo título de #traduceTED.
Valentín García asiste á clausura da XXXIV edición dos Cursos de verán de lingua e cultura galegas
A Facultade de Filosofía da Universidade de Santiago de Compostela acolleu o peche dos Cursos Galego sen fronteiras. Neste acto de clausura realizouse a entrega dos diplomas ao máis de medio cento de estudantes que participaron nesta XXXIV edición, chegados desde diversos países de Europa, Asia e América.
Fonte: O Portal da Lingua Galega
A Xunta enche o Monte do Gozo de actividades para toda a familia co Festival ‘Revenidas Miúdo’
O secretario xeral da Lingua, Valentín García, e o director de Turismo de Galicia, Xosé Merelles, presentaron a segunda edición do Festival Revenidas Miúdo co fin de consolidar o emprego da lingua nas idades máis temperás.
Fonte: O Portal da Lingua Galega
Convócase unha nova edición do premio de investigación ‘Condado de Pallares’, que conta co apoio da Xunta
A Delegación Territorial de Lugo da Xunta e Valentín García acolleron a presentación do XVIII Certame de Investigación Condado de Pallares, organizado pola Asociación de Amigos do Mosteiro de Ferreira de Pallares. O obxectivo deste certame é promover a investigación nas áreas de lingüística, historia, arte, arqueoloxía, antropoloxía, etnografía e folclore no territorio que conformaba o antigo condado de Pallares.
Fonte: O Portal da Lingua Galega
Valentín García celebra o primeiro volume dun estudo que recolle material lingüístico prelatino en Galicia
O secretario xeral da Lingua participa na presentación do libro inaugural da colección Tesouro paleogalaico do Centro Ramón Piñeiro para a Investigación en Humanidades, dependente da Xunta de Galicia.
A Casa de Rosalía acolle a asemblea fundacional da Asociación de Casas, Museos e Espazos Literarios de Galicia
A Casa-Museo Rosalía acolleu a asemblea fundacional da Asociación de Casas, Museos e Espazos Literarios de Galicia. O secretario xeral da Lingua, Valentín García Gómez, participou tamén nesta xuntanza, que reuniu as fundacións Rosalía de Castro, Castelao, Uxío Novoneyra, Eduardo Pondal, Otero Pedrayo, Manuel María, Casa da Troya, Vicente Risco, Plácido Castro e Neira Vilas.
Fonte: O Portal da Lingua Galega
Boletín
Subscríbase ao boletín
