Galicia
Rinoceronte Editora lanza un dicionario complementario como guía do galego actual
Rinoceronte Editora lanzou un novo dicionario en liña, complementario aos existentes, para recoller termos recentes, localismos, castelanismos, estranxeirismos e vocabulario específico ou minoritario non incluído na RAG ou no Digalego. Con mil entradas iniciais, prevé actualizacións diarias para abranguer o léxico das súas publicacións.
Fonte: Praza.gal
Un traballo da Universidade de Santiago sobre técnicas estatísticas en xeolingüística consegue o premio á mellor tese en humanidades dixitais
María José Ginzo, profesora da USC, gañou o III Premio Sociedade Internacional de Humanidades Dixitais Hispánicas-Fundación BBVA pola súa tese 'Técnicas estatísticas en xeolingüística. Modelización onomástica', que explora novos métodos estatísticos para estudar a onomástica.
Convócanse prazas e bolsas de formación en centros de estudos galegos de universidades de fóra de Galicia
A Xunta de Galicia publica dúas convocatorias públicas para cubrir sete bolsas de formación en lectorados de lingua, literatura e cultura galegas e cinco prazas nos lectorados de universidades de fóra de Galicia.
Fonte: Consello da Cultura Galega
Un proxecto da Universidade de Vigo estuda a aprendizaxe da lingua de signos española na infancia e a adolescencia
O grupo de investigación Estilos-Griles traballa na elaboración do primeiro corpus anotado da lingua de signos española, que se ampliará nos próximos anos con gravacións para coñecer como aprenden e usan esta lingua nenas, nenos e adolescentes xordos.
Fonte: Universidade de Vigo
Estudantes de galego en Londres participan en Galicia no programa Viaxe da Lingua 2024, co que colabora a Xunta
Unha vintena de rapaces e rapazas, do case medio cento que estudan galego no Instituto Cañada Blanch de Londres, están a visitar Galicia a través do programa Viaxe da Lingua 2024, co que colabora a Xunta a través das secretarías xerais da Lingua e de Emigración.
Fonte: O Portal da Lingua Galega
A Coordinadora de Traballadores/as de Normalización da Lingua fai entrega dos V Premios Mil Primaveras
Os Premios Mil Primaveras teñen como finalidade difundir e poñer en valor proxectos de fomento da lingua galega que incrementen o seu uso e prestixio.
Fonte: Premios Mil Primaveras
A Xunta aproveitará o potencial dos neofalantes para fomentar o uso do galego entre a mocidade
O secretario xeral da Lingua, Valentín García, anunciou o reforzo das políticas lingüísticas da Xunta para tirar proveito das potencialidades que ten o neofalantismo e fomentar o uso da nosa lingua entre a mocidade. Fíxoo en resposta a unha pregunta no Parlamento de Galicia na que concretou que se fará a través dun convenio coa Universidade de Santiago dotado con 80 000 € que recolle unha serie de actuacións ao longo de tres anos.
Fonte: O Portal da Lingua Galega
Xa se coñecen os gañadores dos XXVIII Premios Lois Peña Novo
Estes galardóns, cuxo obxectivo é impulsar o proceso de normalización lingüística nas administracións públicas, nas institucións e na sociedade en xeral, teñen xa gañadores para a 28ª edición: o Concello de Carballo; a xefa de servizo de Traballo Social da EOXI de Vigo María Jesús Lago; e o catedrático da USC Carlos Pajares.
Fonte: Consello da Cultura Galega
O Concello de Fene organiza unha nova edición do campus lingüístico “Verán máis alá”
Este campus lingüístico está dirixido ao alumnado de educación infantil e primaria nado entre os anos 2012 e 2020 e busca facilitar unha alternativa de lecer educativo en galego.
Fonte: Concello de Fene
Os membros da Corporación municipal do Concello de Ames comprométense coa lingua galega
As concelleiras e concelleiros de todas as agrupacións de Ames comprometéronse a empregar o galego polo menos durante tres semanas en todos os ámbitos da vida, no marco do proxecto “Modo galego, actívao!”.
Fonte: Concello de Ames
Boletín
Subscríbase ao boletín
