O Museo da Lingua Portuguesa de São Paulo terá entrada gratuíta todos os sábados e domingos até o 31 de agosto.

Fonte: Gazeta de S.Paulo

O Alþingi, ou Parlamento de Islandia, aprobou un plan de acción con 22 medidas que buscan a promoción e preservación da lingua islandesa en varios ámbitos.

Fonte: Iceland Review

A obra teatral Geiriau (Palabras) fai parte dun proxecto do Comisario da Lingua Galesa para promover o uso do galés entre o alumnado de secundaria.

Fonte: Nation Cymru

O deputado da asemblea lexislativa da provincia canadense de Ontario, Sol Mamakwa, pronuncia un discurso na lingua indíxena oji-cree e convértese na primeira persoa en empregar unha lingua diferente do inglés ou francés na cámara.

Fonte: APT News

O presidente de Polonia, Andrzej Duda, vedou a lei que pretendía recoñecer o silesiano como lingua oficial. A norma fora aprobada polo goberno actual no Parlamento.

Fonte: TVP World

O ensino da lingua inglesa está en alza no Xapón grazas á proliferación de escolas bilingües por todo o país. O obxectivo é conseguir que a próxima xeración de xaponeses fale inglés con fluidez.

Fonte: Japan Times

O lingüista portugués Fernando Venâncio segue a derrubar prexuízos sobre a lingua portuguesa no seu libro Assim nasceu uma língua: Sobre as origens do português, recentemente editado no Brasil. O autor desafía a visión tradicional e revela que o portugués deriva do galego.

Fonte: VEJA

O número de alumnos e alumnas de orixe estranxeira non deixa de medrar en Portugal. A grande maioría deste alumnado frecuenta escolas públicas onde o número total de horas dedicadas ao ensino do portugués non supera as cinco semanais.

Fonte: SIC Notícias

O colectivo Perquè visquin les nostres llengües, que aglutina entidades que traballan a prol do uso das linguas minorizadas no Estado francés, convoca unha serie de mobilizacións por toda Francia para pedir a modificación do artigo 2 da Constitución francesa que impón o francés como "lingua da República".

Fonte: Diari de la Llengua

A deputada do Congreso de Deputados de México, Salomón Durán, pide reformar a Lei Xeral de Dereitos Lingüísticos dos Pobos Indíxenas para prohibir o uso de anglicismos e estranxeirismos en comunicados oficiais.

Fonte: Cámara de Diputados