Mundo
Portugal quere apostar polo ensino do portugués entre as persoas falantes doutras linguas
O Consello Nacional da Educación de Portugal defende a necesidade de que os partidos políticos aposten polo ensino do portugués entre as persoas que falan outras linguas maternas co fin de evitar problemas futuros.
Fonte: TSF
Descobren evidencias dunha lingua escrita antiga na Illa de Pascua
Un equipo científico multidisciplinario descubriu a existencia dunha lingua escrita anterior á chegada dos invasores europeos. Tal evidencia parece estar demostrada nunhas táboas de madeira con pictogramas inintelixibles.
Fonte: CanalTech
Unha muller mexicana entrégase á salvagarda da súa lingua nativa
Micaela Hernández, coñecida como "Kelly Tehuanita", dedica os seus esforzos á salvagarda do idioma zapoteco en Oaxaca. Hernández imparte clases desta lingua a profesorado de infantil coa intención de salvalo da extinción.
Fonte: UDG TV
O Parlamento de Turquía censura os discursos en linguas minorizadas
Co fin de conmemorar o Día Internacional da Lingua Materna, varias deputadas e deputados do Parlamento de Turquía foron censurados por realizar discursos en linguas minorizadas turcas, como o kurdo ou o uzbeko.
Fonte: Stockholm Center for Freedom
O Goberno de Irlanda do Norte aprobará unha lei que amplía dereitos para as persoas xordas
O ministro norteirlandés paras as Comunidades defendeu a necesidade de que a Asemblea de Irlanda do Norte aprobe unha lei da lingua de signos para garantir que os dereitos das persoas xordas se vexan recoñecidos.
Fonte: BBC
A Universidade de Bangor realiza unha enquisa para coñecer as actitudes cara á lingua galesa
Un equipo de investigación da Universidade de Bangor elaborou unha enquisa para estudar os usos da lingua galesa nos condados de Gwynedd, Conwy e Ynys Môn, no norte do País de Gales.
Fonte: Cambrian News
Codifican a lingua normanda falada na illa de Sark, no Canal da Mancha
Un lingüista checo codifica e documenta a lingua normanda que se fala na illa de Sark, unha das que integran as illas do Canal da Mancha. O sarkés conta tan só con tres falantes nativos vivos.
Fonte: BBC
As escolas de lingua portuguesa de Australia están a pechar por falta de alumnado
A diminución do número de inscricións e a falta de apoio por parte do goberno portugués son dous dos factores que explican que as escolas de ensino de portugués en Australia estean a botar o peche.
Fonte: Contacto
O Ministerio de Educación de Mozambique continuará apostando polo ensino bilingüe
Co fin de promover a diversidade lingüística e cultural, o Ministerio de Educación e Desenvolvemento Humano de Mozambique asegura que seguirá garantindo o ensino bilingüe nas escolas do país.
Fonte: Rádio Mozambique
Turquía non conta con profesorado de kurdo suficiente para facer fronte á demanda
Ante a forte demanda de cursos de lingua kurda por toda Turquía, o país presenta unha forte falta de profesorado capacitado para impartilos. Nos últimos doce anos só se habilitaron 132 prazas de docentes.
Fonte: Medya News
Boletín
Subscríbase ao boletín
