Mundo
Antes de 2029 todas as crianzas marroquís poderán aprender a lingua tamazight
O ministro de Educación de Marrocos, Chakib Benmoussa, quere reforzar o ensino da lingua tamazight (ou bérber) e revelou que para o ano 2029 todo o alumnado de primaria poderá aprender este idioma.
Fonte: Morocco World News
O Departamento de Interior dos EUA publica unhas novas directrices para a promoción da lingua hawaiana
O Departamento de Interior dos Estados Unidos de América publicou, con motivo da celebración do Mes da Lingua Hawaiana, unhas novas directrices que reforzarán a promoción da cultura e lingua hawaianas no arquipélago de Hawai.
Fonte: Mirage News
O Goberno de Portugal crea un grupo de traballo para a creación do Instituto de Cultura e Lingua Mirandesas
O Goberno de Portugal creou o grupo de traballo que permitirá constituír o Instituto de Cultura e Lingua Mirandesas que contará cunha dotación anual de 200 000 euros para a promoción do segundo idioma oficial do país luso.
Fonte: Canal N
Un chat de intelixencia artificial axudará a preservar a lingua quechua
A Universidade Nacional Maior de San Marcos creou o chat de intelixencia artificial Illary, capaz de producir contidos en lingua quechua. Esta ferramenta aspira a se converter nunha peza máis para preservar esta lingua indíxena.
Fonte: MSN
Nace unha nova entidade a prol do catalán en Andorra
Nace Cultura Activa, unha entidade de promoción da lingua e cultura catalás en Andorra. A organización loitará polos dereitos dos e das catalanofalantes e traballará desde o activismo e a sociedade civil.
Fonte: El Nacional
Unha enquisa revela que falar neerlandés é un importante factor para a identidade dos Países Baixos
Un estudo realizado polo centro de investigacións estadounidenses Pew Research Center revelou que o 96 % da cidadanía neerlandesa considera que falar a lingua é un factor determinante para ser "bo neerlandés" ou "boa neerlandesa".
Fonte: Dutch News
Un centro de formación da Bretaña propón un novo modelo de aprendizaxe da lingua bretoa
O centro de formación Stumdi está a introducir un novo curso de tres meses de perfeccionamento da lingua bretoa. A formación terá lugar en cinco localizacións diferentes: Brest, Landerneau, Ploemeur, Vannes e Guingamp.
Fonte: Ouest France
Un membro do Parlamento de Malta alerta da desaparición da lingua maltesa
O titular de Educación no partido da oposición no Parlamento de Malta, Justin Schembri, alertou da paulatina desaparición da lingua maltesa e pediu ao Goberno que tome medidas para salvala.
Fonte: Lovin Malta
Grecia lanza unha plataforma en liña para a aprendizaxe do grego
O Goberno de Grecia anunciou o lanzamento da plataforma en liña staellinika.com que permitirá que persoas novas de orixe grega que viven no exterior aprendan a lingua grega.
Fonte: Orthodox Times
O municipio norteirlandés de Antrim e Newtownabbey introducirá sinais bilingües nas súas rúas
O municipio de Antrim e Newtownabbey, en Irlanda do Norte, contará con sinais bilingües inglés-gaélico irlandés nas súas rúas.
Fonte: Belfast Telegraph
Boletín
Subscríbase ao boletín
