Mundo
Miranda do Douro acolle un festival sobre a lingua e cultura mirandesas
O festival de música Geada, que acontece na vila portuguesa de Miranda do Douro, naceu co obxectivo de dar valor e fomentar a lingua e cultura mirandesas, os maiores activos deste territorio do nordeste portugués.
Fonte: Diário de Trás-os-Montes
O Goberno de Irlanda aproba un plan para axudar funcionarios públicos a melloraren a súa competencia en gaélico irlandés
A ministra de Cultura e Gaeltacht da República de Irlanda, Catherine Martin, anunciou a aprobación dun plan dun millón de euros para crear unha rede de apoio en gaélico irlandés que permita que os traballadores do estado poidan incrementar a súa competencia nesta lingua.
Fonte: RIPT
O mundo celebra o Día Internacional da Lingua Árabe
Como cada 18 de decembro, as Nacións Unidas conmemoraron en todo o mundo o Día Internacional da Lingua Árabe, un dos idiomas oficiais deste organismo internacional. O tema deste ano é "O árabe, lingua de poesía e arte".
Fonte: UNESCO
O alumnado británico poderá escoller lingua de signos como materia de estudo en secundaria
Co obxectivo de crear unha educación máis inclusiva, o Goberno do Reino Unido ofrecerá a materia de lingua de signos como parte do currículo de secundaria.
Fonte: EuroWeekly
Docentes da Universidade de Brasilia traducirán documentos sobre os dereitos da infancia á lingua ticuns
A Universidade de Brasilia, en colaboración coa Organización de Estados Americanos e o Ministerio dos Dereitos Humanos e da Ciudadanía do Brasil traducirán o Estatuto da Infancia e do Adolescente á lingua indíxena ticuna.
Fonte: Universidade de Brasília
Comeza a emisión dun programa de radio co obxectivo de promover a lingua galesa
O novo programa de radio "Cymru United" nace no País de Gales coa intención de promocionar o uso do galés entre todas as persoas, sobre todo, aquelas que non se senten familiarizadas coa lingua vernácula.
Fonte: Business News Wales
Un estudo revela que cantar pode beneficiar a adquisición lingüística dos bebés
Un estudo da Universidade de Cambridge revela que cantarlles aos bebés pode facilitarlles a súa futura adquisición lingüística.
Fonte: The Guardian
Un proxecto piloto da Unesco ofrece formación a educadores en lingua mapuche
A UNESCO e o Ministerio de Educación de Chile traballan nun proxecto piloto para formar docentes de lingua mapuche.
Fonte: UNESCO
Publícase o primeiro dicionario árabe-vietnamita
Con motivo do Día Mundial da Lingua Árabe, presentouse en Hanoi o primeiro dicionario bilingüe árabe-vietnamita.
Fonte: Vietnam+
Xa se coñecen as dez candidatas á palabra do ano 2023 en portugués
Xa se coñecen as dez palabras que este ano se disputarán o concurso á Palabra do Ano 2023 da editorial Porto Editora.
Fonte: Público
Boletín
Subscríbase ao boletín