Un grupo de activistas a prol do gaélico irlandés manifestouse diante da cámara baixa do Parlamento de Irlanda para protestar sobre a crise da vivenda nas Gaeltacht ou zonas de fala irlandesa.

Fonte: The Journal

O Goberno de Albania empregará unha ferramenta de intelixencia artificial para traducir ao albanés centos de documentos legais co fin de acelerar o seu proceso de adhesión á Unión Europea.

Fonte: Euroactiv 

A comunidade kurda que vive en Suecia iniciou unha campaña en liña para demandarlle á canle pública de radio Sverige Radio que reconsidere a súa decisión de deter o servizo radiofónico en kurdo.

Fonte: Rudaw

O mam é unha agrupación lingüística pertencente á familia maia que se fala nos estados de Chiapas, Campeche e Quintana Roo que conta, segundo o último censo, con 10 467 falantes.

Fonte: Chiapas Paralelo

O Consello Educativo dos Países Baixos declarou que as universidades deben ser as que determinen a súa lingua de instrución e non o goberno.

Fonte: Research Professional News

A Asociación de Persoas Xordas do Concello de Sintra ofrece un curso de lingua de signos portuguesa para principiantes. As sesións serán presenciais e en liña.

Fonte: CM Sintra

O Consello Municipal da cidade vascofrancesa de Baiona aprobou un programa de política lingüística a favor do éuscaro en toda o ámbito xeográfico da cidade.

Fonte: Sud Ouest

A mocidade de varias rexións francesas como Iparralde, Bretaña e Alsacia, entre outras, manifestáronse en París para reivindicar un estatuto real para as súas linguas rexionais.

Fonte: Mediabask

As forzas sindicais da Universidade de Aberdeen, en Escocia, convocaron unha folga para loitar contra os plans que prevén recortar os estudos de grao en francés, alemán, gaélico e español para o próximo ano lectivo.

Fonte: BBC

O Consello das Artes do País de Gales lanzará o programa Llais y Lle (Voz de Lugar) que pretende apoiar e fomentar proxectos creativos en lingua galesa na zona de Swansea.

Fonte: Swansea Bay News