O Instituto Confucio da Universidade de Katmandú, no Nepal, formou desde a súa creación hai 16 anos case 50 000 profesionais de lingua chinesa.

Fonte: Xinhua

O embaixador de Guinea Ecuatorial en Lisboa afirmou que o Goberno do seu pais decretou a introdución oficial da lingua portuguesa no sistema educativo.

Fonte: e-Global

O Goberno do estado brasileiro do Amazonas quere aprobar un proxecto de lei que garanta o recoñecemento das linguas indíxenas que se falan no estado como patrimonio cultural inmaterial.

Fonte: Mário Adolfo

O nivel de competencia en lingua albanesa entre a xente nova diminíu de acordo cos resultados das probas de maturidade realizadas en todo o país balcánico. A razón desta diminución podería estar no uso excesivo do inglés nas redes sociais.

Fonte: Euroactiv

O presidente de Malawi, Lazarus Chakwera, anunciou que o Ministerio de Educación decretará a introdución do suahili no currículo das escolas.

Fonte: VOA News

Unha serie radiofónica da BBC e RTÉ, producida en gaélico irlandés, explora a fascinante historia dos barrios históricos da cidade de Belfast.

Fonte: The Irish News

O Laboratorio de Linguas da Universidade Estatal de Londrina, no estado brasileiro do Paraná, abriu o prazo de matrícula para cursos de 8 linguas: alemán, lectura instrumental en alemán, español, francés, inglés, lectura instrumental en inglés, inglés para crianzas, italiano, latín, mandarín e portugués para falantes doutras linguas.

Fonte: O Perobal

Dinamarca non obrigará as persoas con titulación en enfermaría procedentes de fóra da Unión Europea a realizaren un exame de dinamarqués para que poidan traballar no país.

Fonte: The Local

A minista de Educación de Estonia, Kristina Kallas, alertou que para poder implementar o plan de educación en lingua estoniana o Estado deberá destinar máis financiamento cada ano.

Fonte: ERR

O Tribunal Constitucional de Letonia considera que a norma que obriga ao ensino unicamente en letón é contraria á constitución do país báltico.

Fonte: Baltic News Newtwork