A canle de televisión canadense Uvagut TV, que ofrece contidos en linguas indíxenas a todas as persoas de orixe inuit do Canadá, fai un ano de vida.

Fonte: Nunavut News

A autoridade unitaria de Powys, no centro de Gales, aprobou un novo plan educativo co que pretende ofrecer máis ensino de inmersión en galés para garantir que máis alumnado de todas as etapas educativas poida ser bilingüe en galés e inglés.

Fonte: The National

Unha mobilización percorreu varias localidades de Iparralde para reclamar que estudantado de diferentes niveis de secundaria poida pasar os seus exames finais en éuscaro.

Fonte: Mediabask

A 22 edición da Korrika, carreira de relevos a prol do éuscaro, organizada pola asociación AEK, xa conta con itinerario en Iparralde. Trátase dun percorrido que atravesará o País Vasco francés en dous tempos. 

Fonte: Mediabask

O crecente interese que o alumnado mostra pola aprendizaxe do inglés leva a que escolas bilingües de toda Francia teñan dificultades para contratar profesorado de alemán. Un grupo de nais e pais decidiron montar unha axencia de contratación para mitigar este problema.

Fonte: DW

O colectivo a prol da lingua galesa Cymdeithas yr Iaith Gymraeg (ou Sociedade da Lingua Galesa) publicou un vídeo onde anima a cidadanía galesa a se sumar ao reto de superar o millón de falantes de galés.

Fonte: The National

O uso do portugués non deixa de medrar en todo o mundo. A lingua de Camões rexistrará un crecemento pronunciado até o final do século sobre todo grazas ao crecemento poboacional de África e ao interese da China.

Fonte: ISTOÉ

Un número crecente de persoas en Turquía manifestou o seu interese por aprender a lingua chinesa e rexistrouse para realizar cursos impartidos por institucións educativas de aprendizaxe do chinés.

Fonte: China Daily

O Goberno do Reino Unido destinará 7,5 millóns de euros adicionais á S4C, canle de televisión que desempeña un papel moi importante na preservación da lingua galesa.

Fonte: Wales Online

O Goberno da República de Irlanda e o ministro de Deportes e Gaeltacht (ou zonas de fala irlandesa), Jack Chambers, aprobaron destinar 325 mil euros á organización Conradh na Gaeilge para que implemente o proxecto BÁC le Gaeilge que pretende incentivar o uso do gaélico irlandés na cidade de Dublín.

Fonte: Government of Ireland