Especialistas da Universidade Nacional Autónoma de México desenvolven un programa para traducir de xeito autómatico linguas indíxenas como o náhuatl ao español.

Fonte: Luces de Siglo

O presidente da República de Irlanda, Michael D Higgins, asinou a nova lei en materia lingüística que garante que o 20 % dos cargos públicos contratados en institucións estatais sexan competentes en gaélico irlandés.

Fonte: The Irish Times

Segundo datos do Instituto de Políticas Migratorias dos Estados Unidos de América, o portugués é a terceira lingua máis falada nos estados americanos de Massachusetts, Connecticut e Rhode Island. En todo o país, a lingua de Camões é falada por 846 mil persoas.

Fonte: Gazeta Brazilian News

A Embaixada de Francia en Brasil abriu a selección de 36 prazas de auxiliares de lingua portuguesa en zonas francófonas, entre as que se inclúen 11 na Guayana Francesa.

Fonte: G1

Unha editorial de Nova Escocia publicou a tradución ao gaélico escocés do clásico Anna, a das tellas verdes, da escritora Lucy Maud Montgomery. Trátase da primeira versión do libro nunha das linguas tradicionais da Illa do Príncipe Eduardo, provincia canadense onde se desenvolvou a trama do libro.

Fonte: CBC

Un estudo realizado na Universidade de York revelou que unha migración masiva da Idade do Bronce puido causar o espallamento das linguas celtas polas Illas Británicas.

Fonte: New Scientist

O Consulado do Brasil en Boston (EUA) aprobou un programa que anima a presentar proxectos que teñan como obxectivo divulgar e promover o idioma portugués no exterior. O programa recibe o apoio do Ministerio de Relacións Exteriores do Brasil.

Fonte: Brazilian Times

Axencias de seguranza indias alertaron de que a China continúa enviando adolescentes tibetanos a campos de adoutrinamento que non respectan nin valoran a cultura de tradución budista nin a lingua tibetana.

Fonte: Hindustan Times

A secretaria de Estado das Comunidades Portuguesas, Berta Nunes, reiterou o seu apoio ás medidas de valorización da lingua portuguesa no estranxeiro coa integración do seu ensino nos currículos escolares.

Fonte: RTP

Un grupo de usuarios e usuarias do xogo de computador Football Manager iniciou unha campaña para traducilo á lingua galesa. Actualmente o popular videoxogo está traducido a 17 linguas.

Fonte: North Wales Live