O pleno recoñecemento do gaélico irlandés como lingua oficial en Europa traerá nos vindeiros anos máis oportunidades de traballo para falantes desta lingua no seo das institucións comunitarias.

Fonte: Leitrim Observer

O Decenio Internacional das Linguas Indíxenas, que comeza neste 2022, é unha iniciativa da ONU que busca crear conciencia sobre a situación na que se atopan moitos idiomas do mundo e impulsar accións para a súa preservación.

Fonte: TeleSURtv

Un estudo realizado na Universidade Eötvös Loránd de Hungría revelou que os cans conseguen percibir a diferenza entre distintos padróns de linguaxe e que mostran reaccións diferentes ao ouviren un idioma descoñecido.

Fonte: The Guardian

O portugués é unha das principais linguas de expresión do Campionato Africano das Nacións 2021 de fútbol que deu comezo no Camerún.

Fonte: VOA

A Academia Francesa, institución que vela pola protección e promoción do francés, criticou duramente que o novo DNI da República Francesa inclúa agora unha versión bilingüe en francés e inglés. 

Fonte: Euronews

Un estudo realizado pola Universidade Federal do Pará identificou un total de 34 linguas indíxenas neste territorio brasileiro da rexión amazónica.

Fonte: Agência Brasil

Co 45 % dos votos, «vacina» foi escollida como palabra do ano, nunha votación na que en segunda posición quedou o termo «resiliência» (30 %). Nesta edición alcanzáronse arredor de 35 000 votos nesta iniciativa que reflicte os principais acontecementos e feitos que marcaron o ano en Portugal.

Fonte: Porto Editora

Bruxelas actualiza o status do gaélico irlandés e outórgalle a plena oficialidade dentro da Unión Europea. A partir de agora todos os documentos serán traducidos ao gaélico, de igual xeito que xa se facía coas outras 23 linguas oficiais da UE.

Fonte: DW

O profesorado da escola infantil Bimbi in Allegria de Cagliari falará exclusivamente en sardo, agás media hora á semana que se dedicará ao inglés, e non usará nunca o italiano.

Fonte: AGI

Tras unha decisión do pasado mes de maio que prohibía a inmersión como método de ensinanza, unha circular do Ministerio de Educación acaba de autorizar este tipo de modelo educativo de inmersión nas linguas rexionais francesas.

Fonte: France Bleu