Como cada 5 de novembro, o mundo celebra o Día Internacional da Lingua Romaní. Para marcar esta efeméride, Tatjana Anđelić, presidenta do Comité de Asuntos do Pobo Xitano do Consello de Europa apelou á protección, promoción e preservación da lingua romaní.

Fonte: Council of Europe

A editorial Mintzoa encontrou unha obra impresa do século XV con palabras en éuscaro. Á marxe dos manuscritos medievais, o achado sería o testemuño escrito máis antigo en lingua vasca.

Fonte: La Vanguardia

O ministro de Asuntos Exteriores de Romanía, Bogdan Aurescu, pediu ao seu homólogo ucraíno que deixe de se referir á lingua oficial da República Moldova como "moldovo" e empregue o termo "romanés".

Fonte: Balkan Insight

Como cada 5 de novembro desde 2006, o Brasil celebra o Día Nacional da Lingua Portuguesa.

Fonte: Senado Federal

O Taoiseach ou primeiro ministro da República de Irlanda anunciou o lanzamento dun programa de promoción do gaélico no seo das empresas.

Fonte: The Irish Times

Unha votación realizada na cidade de Allentown, en Pensilvania (EUA), resolveuse a favor de manter a lingua inglesa como idioma oficial. A localidade caracterízase por ter unha alta porcentaxe de residentes procedentes de países hispanos.

Fonte: Axios 

Unha iniciativa do Ministerio de Educación de Angola con financiamento do Banco Mundial dará formación en lingua portuguesa e matemáticas a máis de 40 mil docentes de ensino primario e secundario.

Fonte: Novo Jornal

Un grupo de vinte estudantes de Xerusalén pon en marcha unha iniciativa de encontros casuais para aprender ou perfeccionar o hebreo e o árabe. 

Fonte: Público

A Universidade de Aberystwyth, en Gales, fai entrega do Premio da Lingua Galesa 2021 a catro estudantes pola súa contribución á promoción do galés.

Fonte: Cambrian News

O equipo de lexicografía do Oxford English Dictionary declarou que a palabra ‘vax’ (vacina ou vacinar) é a nova palabra do ano 2021 na lingua inglesa.

Fonte: BBC