O xefe de estado das Forzas Armadas de Guinea-Bissau solicitou a Portugal apoio para brindarlles aos militares guineanos formación en lingua portuguesa.

Fonte: Notícias ao Minuto

Varias fontes escritas de Croacia informaron de que un libro de texto de ensino primario nega a existencia da lingua croata. O asunto chegou mesmo a ser duramente criticado polo primeiro ministro croata Andrej Plenković.

Fonte: Euroactiv

A cidade portuguesa de Coímbra crea as bases para se converter no polo europeo do Museo de Lingua Portuguesa de São Paulo. A iniciativa estará integrada no proxecto que Coímbra presentará á candidatura de Capital Europea da Cultura en 2027.

Fonte: Público

A Comisión Permanente de Acceso á Xustiza de Persoas en Condición de Vulnerabilidade do Perú ofrece un curso virtual de quechua que ten como obxectivo brindar un mellor acceso á xustiza ás persoas que empregan esta lingua como principal modo de expresión.

Fonte: La República

O Goberno do Quebec destinará medio millón de dólares á promoción da lingua francesa entre a poboación inmigrante, especialmente na rexión de Montreal.

Fonte: Coast Reporter

Un estudo realizado polo Observatorio para o Ensino da Lingua Inglesa revela que o Brasil ten pouco profesorado de inglés, un docente por cada 300 estudantes. A sondaxe tamén constatou que unha parte do profesorado non ten a formación adecuada.

Fonte: Estado de Minas

Un grupo de docentes e indíxenas da Amazonia brasileira quere crear a primeira Academia da Lingua Nheengatu co fin de crear estratexias de ensino deste idioma nas comunidades e en liña.

Fonte: Amazonia Real

Os ministerios de Xustiza dun total de 28 países de lingua oficial portuguesa e española participarán nun encontro en Tenerife para crear a plataforma de cooperación xurídica internacional Iberi@.

Fonte: Notícias ao Minuto

A Mesa pola Normalización Lingüística denunciará perante o Consello de Europa en Estrasburgo a denegación dunhas axudas ao Concello de Cambados por presentaren a documentación en galego. Para a entidade isto é un claro caso de vulneración da Carta Europea das Linguas Rexionais ou Minoritarias por parte do Goberno de España.

Fonte: Nós Diario

O primeiro ministro do Perú, Guido Bellido, anunciou o lanzamento dunha plataforma nacional de formación virtual para que toda a cidadanía do país andino poida aprender ou fortalecer os seus coñecementos de quechua.

Fonte: Agencia Peruana Andina