Un grupo de cidadáns e cidadás marroquís lanzou unha campaña en liña para que o inglés substitúa o francés como primeira lingua estranxeira nas escolas.

Fonte: Middle East Eye

O número de escolas primarias que ensinan por medio do gaélico irlandés na República de Irlanda atinxiu un novo récord ao chegar a 260 neste novo curso académico. No último período o número de escolas de inmersión ascendía a 247.

Fonte: The Irish Times

Diferentes asociacións de toda Escocia recibirán unha partida de 600 000 euros para apoiar proxectos que promovan o uso do gaélico escocés e eviten a súa desaparición.

Fonte: The Press and Journal

Máis de 500 escolas primarias de toda Irlanda promoverán o ensino de linguas estranxeiras mediante un programa europeo.

Fonte: The Connaught Telegraph

Como cada 26 de setembro desde 2001, Europea celebra o Día Europeo das Linguas, unha iniciativa impulsada polo Consello de Europa co obxectivo de dar a coñecer a diversidade lingüística do continente e impulsar entre a poboación a aprendizaxe de linguas, tanto dentro como fóra das escolas.

Fonte: EDL

Un proxecto pretende difundir coñecemento na enciclopedia dixital da Wikipedia publicando artigos en macua, a principal lingua nativa de Mozambique.

Fonte: DW

A Asemblea da República portuguesa aprobou por unanimidade a protección e promoción do dialecto barranqueño e da súa identidade cultural.

Fonte: Observador

Portugal celebra por primeira vez o Día da Lingua Mirandesa coa intención de divulgar e promover o segundo idioma oficial do país. Ao mesmo tempo, no concello de Miranda do Douro dan comezo as clases de mirandés en diferentes niveis educativos.

Fonte: RTP Notícias

O alcalde São Paulo, Ricardo Nunes, presentou unha proposta formal na cámara municipal para que o guaraní se converta na segunda lingua oficial da cidade. O proxecto prevé tanto a introdución da lingua no ensino como a produción de documentos públicos e institucionais neste idioma.

Fonte: MercoPress

A autoridade unitaria de Powys no País de Gales vai someter a consulta pública un ambicioso plan para mellorar a competencia en lingua galesa na poboación durante os próximos dez anos.

Fonte: Powys County Times