O Goberno de Ruanda quere introducir un ambicioso currículo de necesidades especiais que establece o ensino do braille e a lingua de signos nas escolas públicas do país africano.

Fonte: All Africa 

Unha campaña de odio nas redes sociais obrigou a unha escola infantil de inmersión en gaélico irlandés en Belfast a buscar unha nova localización. A escola ía a ser o primeiro centro das súas características nun barrio do leste da capital norteirlandesa.

Fonte: The Irish Times

O Goberno do Canadá financiará as actividades de once organizacións que apoian a promoción das linguas oficiais canadenses na provincia de Columbia Británica.

Fonte: Newswire

O portal de noticias en lingua tibetana Tibet Rooster foi clausurado ante o medo de que o Goberno da China tome medidas drásticas e represalias contra os seus lectores. O xornal contaba cunha ampla cobertura tanto no Tíbet como na diáspora.

Fonte: Phayul

As localidades sardas de Ussaramana e Villanovaforru albergarán 'Arrexini', o primeiro festival de lingua e cultura sardas. O acto analizará o uso da lingua sarda a nivel institucional.

Fonte: Sardiniapost

Katie Rowley, unha muller xorda de 36 anos, gañou o proceso xudicial que iniciara tras demandar o Goberno británico pola falta de interpretación en lingua de signos nas sesións informativas sobre a covid-19.

Fonte: BBC

A Academia Brasileira de Letras actualizou o Vocabulario Ortográfico da Lingua Portuguesa con mil novos termos.

Fonte: Estado de Minas

O Goberno do País de Gales sufragará con 250 000 libras a adquisición e desenvolvemento lingüístico na infancia.

Fonte: North Wales Chronicle

A Rede Europea para a Igualdade das Linguas (ELEN, polas súas siglas en inglés) trasladou unha queixa formal á ONU pola discriminación que seguen a sufrir as linguas vernáculas de Francia por parte do Estado francés.

Fonte: ELEN

O director executivo da canle en lingua galesa S4C, Owen Evans, abandonou o cargo coa satisfacción de ver como as porcentaxes de audiencia medraron en todas as plataformas.

Fonte: Business Live