Unha emenda a unha lei obrigará o colectivo de taxistas de Dinamarca a demostrar coñecementos de dinamarqués para poder traballar no país.

Fonte: CGTN

O municipio portugués de Braga empregará a partir de agora intérpretes de lingua de signos nas asembleas municipais para facilitar a transmisión da información ás persoas con discapacidade auditiva.

Fonte: Semanário V

Como cada 21 de marzo, o mundo celebra o Día Mundial da Poesía, un dos máis valiosos modos de expresión cultural e lingüística da humanidade.

Fonte: United Nations

Unha sentenza histórica do Tribunal de Xustiza da Unión Europea deu a razón a un falante de gaélico de Galway ao decretar que a información que acompañe os produtos veterinarios que se comercialicen en Irlanda debe estar tanto en inglés como en gaélico irlandés.

Fonte: RTÉ

Grazas ao acordo asinado entre o Instituto Camões, a Dirección Xeral de Política e Defensa Nacional de Portugal e as Forzas Armadas de Guinea-Bissau, Portugal dará formación en lingua portuguesa a máis de 120 militares de Guinea-Bissau, tal como anunciou a embaixada portuguesa no país africano.

Fonte: SAPO

O proxecto de lei de estímulo económico pola covid-19 que quere aprobar a nova administración dos EUA incluirá unha partida de 20 millóns de dólares para preservar as linguas nativas americanas.

Fonte: Language Magazine

Algunhas escolas de linguas do Canadá solicitaron ao goberno que aplique medidas concretas que faciliten a chegada de estudantes internacionais e permitir así a continuación da súa actividade durante a pandemia.

Fonte: CBC

A popular aplicación de aprendizaxe de linguas, Duolingo, incluirá en breve o yiddish á súa extensa lista de cursos. Con esta incorporación, o número de cursos ascendará a 40.

Fonte: Jewish Insider

Sven Gatz, ministro de Plurilingüismo da rexión de Bruxelas (Bélxica) declarou que conviría modificar a política lingüística actual de Bélxica para darlle máis peso ao inglés como lingua vehicular na capital belga.

Fonte: The Brussels Times

A Asociación das Universidades de Lingua Portuguesa (Aulp, polas súas siglas en portugués) anunciou a creación do Premio Fernão Mendes Pinto 2021 que concederá oito mil euros aos traballos de mestrado ou doutoramento que aposten pola aproximación das comunidades de lingua portuguesa no mundo.

Fonte: Medicina UFMG