O primeiro ministro do Canadá, Justin Trudeau, está preocupado pola situación do francés en Quebec e mostrouse disposto a modificar as leis en materia lingüística para dar máis protección legal a esta lingua.

Fonte: CTV News

Segundo a plataforma de aprendizaxe de linguas Duolingo, o galés é a lingua do Reino Unido que rexistrou unha maior subida no número de usuarios ao longo do ano 2020.

Fonte: Wales Online

Despois de cinco anos do incendio que o destruíu parcialmente, o Museo da Lingua Portuguesa de São Paulo estase preparando para reabrir as súas portas ao público en 2021.

Fonte: Jovem Pan

A principios do ano 2021 comezarán as obras do Museo da Lingua Italiana que estará situado no mosteiro de Santa Maria Novella de Florencia.

Fonte: ANSA

Como cada ano nesta data (18 de decembro), a Organización das Nacións Unidas para a Educación, a Ciencia e a Cultura (UNESCO) celebra o Día Mundial da Lingua Árabe.

Fonte: UNESCO

O Congreso Permanente da Lingua Occitana está traballando nun programa de recoñecemento de voz que podería permitir en breve interactuar cun teléfono móbil ou computador empregando só a lingua oral.

Fonte: Jornalet

O novo modelo de acollemento que estuda o Goberno de Portugal prevé que as persoas refuxiadas que cheguen ao país veciño teñan emprego e falen portugués antes de 18 meses.

Fonte: Notícias ao Minuto

O Parlamento da República Moldova aprobou unha lei que recoñece o ruso como lingua de comunicación intercomunitaria. Este recoñecemento garante ás comunidades rusófonas o dereito ao ensino nesta lingua.

Fonte: TASS

O embaixador de Portugal en Caracas declarou que a aprendizaxe do portugués en Venezuela está en expansión. Actualmente xa hai 5500 escolares aprendendo a lingua de Camões nos centros de ensino venezolanos.

O poeta, tradutor e médico portugués João Luís Barreto Guimarães foi o gañador da primeira edición do Premio Literario Armando da Silva Carvalho, organizado pola Cámara Municipal de Óbidos, Portugal.

Fonte: Jornal de Notícias