O Ministerio de Educación de Libia está iniciando a formación de profesorado para poder incorporar o ensino do francés no primeiro ciclo da educación secundaria.

Fonte: The Lybia Observer

A Universidade do Porto lanzou o Portal do Português, un sitio web para a promoción e fomento da lingua portuguesa.

Fonte: O Minho

Unha cafetaría da localidade de Blaenau Ffestiniog, no norte de Gales, decidiu introducir unha iniciativa para fomentar o uso social da lingua galesa. Durante un tempo ofrecerá bebidas quentes máis baratas a aquelas persoas que as pidan en galés.

Fonte: North Wales Live

O proxecto que pretende construír 56 novas vivendas na localidade de Crymych, no oeste de Gales, podería atraer persoas anglófonas e pór en risco o uso do galés na comunidade local. Crymych ten unha das porcentaxes máis altas de uso de galés en todo o condado de Pembrokeshire.

Fonte: BBC

O presidente da Real Academia Galega, Víctor Freixanes, defende nun seminario na Universidade Fluminense de Niterói, Brasil, a irmandade do galego co portugués.

Fonte: Sermos Galiza

O Parlamento do Reino de Marrocos aprobou unha lei histórica que recoñece a lingua bérber ou amazigh como idioma oficial. A nova norma permitirá a introdución desta lingua no ensino e noutros ámbitos da vida pública.

Fonte: El Faro de Melilla

Milleiros de manifestantes, na súa maioría alumnado de centros de ensino, manifestáronse en Biarritz para demandar a continuidade do ensino de inmersión en éuscaro.

Fonte: Ouest France

O Parlamento de Marrocos acaba de aprobar por medio dunha lei orgánica o recoñecemento oficial do alfabeto tifinagh para a escritura da lingua bérber ou amazigh.

Fonte: Morocco World News

A través dun protocolo co Instituto Confucio da Universidade do Miño, o municipio portugués de Braga oferta actualmente clases de chinés mandarín a un total de 157 alumnas e alumnos do ensino público.

Fonte: Semanário

A ministra de Cultura de Portugal, Graça Fonseca, iniciou a súa visita oficial a China coincidindo co Festival da Cultura Portuguesa que se celebra no país asiático. Entre outros obxectivos, a visita pretende promover e estimular internacionalmente a literatura escrita en portugués.

Fonte: Observador