A iniciativa desenvolvida pola editorial Porto Editora para escoller a palabra do ano en Portugal xa tivo gañador. Trátase da palabra "Enfermeiro" que obtivo o 37,8 % dos votos emitidos.

Fonte: Sermos Galiza 

Un grupo de persoas que traballan no ensino superior británico criticou a medida aprobada na Universidade de Hull de suspender as matrículas nalgunhas carreiras do ámbito das linguas modernas. 

Fonte: BBC

O actual Goberno do Canadá quere facer todo o posible para implementar a Lei de Linguas Indíxenas antes do remate da lexislatura. Esta nova lei garante o uso das linguas de todos os pobos indíxenas.

Fonte: CFJC Today

Por primeira vez, a Organización das Nacións Unidas celebra o Día Internacional do Braille co fin de garantir e recoñecer os dereitos das persoas cegas ou con discapacidade visual.

Fonte: World Braille Day

O Goberno de Suíza decretou o día 26 de setembro como Día Nacional do Plurilingüismo. Nese día pedirase a todos os representantes políticos do país que se expresen durante todo o día nunha lingua diferente á súa materna.

Fonte: Le Temps

Os participantes da cuarta edición de obradoiros de tradución á lingua bérber ou tamazight que tiveron lugar na localidade alxerina de Ardar manifestaron a necesidade de contratar tradutores e intérpretes deste idioma nas institucións públicas do país norteafricano.

Fonte: Huffpost

A Oficina Estatística de Finlandia revelou que un 93 % dos cidadáns fineses entre os 18 e os 64 anos pode falar unha lingua diferente ao seu idioma materno.

Fonte: YLE

O presidente de Portugal, Marcelo Rebelo de Sousa, pediralle ao novo presidente do Brasil, Jair Bolsonaro, que apoie a Comunidade de Países de Lingua Portuguesa (CPLP) para que o portugués adquira o peso que merece no mundo.

Fonte: Política ao Minuto

Un estudo realizado na República de Irlanda revelou que as escolas están facendo esforzos para mellorar a calidade do ensino do gaélico nas zonas de fala irlandesa ou gaeltacht tanto nos centros de inmersión como bilingües.

Fonte: Galway Daily

O Consello da Lingua Sueca revelou que o sueco acolleu no ano 2018 un total de 33 novas palabras que axudaron a definir novas realidades que tiveron relevancia na sociedade sueca ao longo do 2018.

Fonte: The Local