Mundo
Nova Zelandia quere introducir o ensino do maorí en todas as escolas de educación primaria do país
O Goberno de Nova Zelandia quere que o ensino do maorí, unha das linguas oficiais do país, sexa introducido en todas as escolas de educación primaria antes de 2025.
Fonte: SBS News
O 2019 será declarado Ano Internacional das Linguas Indíxenas
Segundo información aparecida no seu sitio web, as Nacións Unidas declararán o ano 2019 como Ano Internacional das Linguas Indíxenas co fin de protexer a inmensa diversidade lingüística que existe no planeta e salvagardar os dereitos das persoas que falan estes idiomas.
Fonte: Language Magazine
Medra o uso do francés en Ruanda
Despois de que as circunstancias históricas levasen á substitución do francés polo inglés en Ruanda, o país africano está paulatinamente incrementando o uso da primeira lingua, sobre todo no ámbito educativo.
Fonte: Language Magazine
Un programa ofrecerá formación en lingua portuguesa a inmigrantes e descendentes en Portugal
O novo programa de inclusión social e emprego de Portugal ofrecerá formación en lingua portuguesa a inmigrantes e descendentes co fin de promover o seu desenvolvemento profesional e social.
Fonte: Comunidade Cultura e Arte
En Indonesia fálanse un total de 653 linguas nativas
O Ministerio de Educación e Cultura de Indonesia informou de que no país se falan un total de 653 linguas nativas. Esta cifra sofre variacións todos os anos e espérase que sexa maior con cada novo reconto.
Fonte: Language Magazine
Unha escola de ensino secundario de Nova Zelandia difunde unha aplicación móbil para aprender maorí
Con motivo da Semana da Lingua Maorí, a escola de ensino secundario Hobsonville Point de Nova Zelandia presentou unha aplicación móbil para aprender maorí e espera poder difundila a outros centros educativos.
Fonte: Stuff
Lisboa acollerá unha exposición itinerante do Museo da Lingua Portuguesa de São Paulo
A cidade de Lisboa acollerá a exposición itinerante A Língua Portuguesa em Nós do Museo da Lingua Portuguesa de São Paulo.
Fonte: Observador
Cada vez máis alumnado escolle o portugués como lingua de estudo en California
O acordo asinado entre o Instituto Camões e a Luso-American Education Foundation para fomentar o ensino do portugués en California está a dar os seus froitos: cada vez máis alumnas e alumnos escollen o portugués como segunda lingua de estudo neste estado.
Fonte: Diário de Notícias
China divulga unha versión oficial do seu himno nacional en lingua de signos
O Goberno de China anunciou, en preparación para o novo curso académico, unha versión oficial en lingua de signos do himno nacional.
Fonte: Shanghaiist
A Comisión Europea lanza un concurso de tradución para escolas de toda Europa
A Comisión Europea lanzou o concurso Juvenes Translatores dirixido a estudantes de escolas de toda Europa co obxectivo de promover a aprendizaxe de linguas e a tradución.
Fonte: European Commission
Boletín
Subscríbase ao boletín
