Mundo
Traducen unha longametraxe colombiana a unha lingua amazónica do Perú
A película de animación colombiana El Libro de Lila foi dobrada á lingua machiguenga, falada por unha comunidade amazónica do departamento peruano de Cuzco.
Fonte: El Tiempo
A primeira ministra de Nova Zelandia quere que a súa filla fale maorí
Nunha entrevista para a televisión pública neozelandesa, a primeira ministra de Nova Zelandia, Jacinda Ardern, declarou que a súa filla medrará falando tanto maorí como inglés.
Fonte: The New York Times
Cada vez máis adultos británicos deciden aprender alemán
O Instituto Goethe informou de que cada vez máis adultos británicos de entre 18 e 30 anos deciden aprender alemán co fin de ter acceso a máis oportunidades laborais.
Fonte: The Guardian
Unha estudante de doutoramento documenta unha lingua indíxena de Papúa Nova Guinea
Unha estudante de doutoramento da Universidade de Stanford nos Estados Unidos documentou o ende, unha lingua illada falada nunha zona rural de Papúa Nova Guinea.
Fonte: Stanford News
O Brexit anima os cidadáns británicos a aprenderen linguas estranxeiras
O director da aplicación para o ensino de linguas Duolingo informou en declaracións a Sky News de que o Brexit está a animar os británicos a aprenderen linguas estranxeiras. Desde que se iniciou o proceso de separación do Reino Unido da Unión Europea, Duolingo rexistrou un incremento do 24 % no número de inscricións procedentes do Reino Unido.
Fonte: Sky News
Abre un centro de lingua coreana en Brasilia
Grazas a un convenio entre os gobernos de Corea do Sur e o Brasil, a Universidade de Brasilia inaugurará o centro Instituto Rei Sejong que se encargará da promoción do ensino do coreano na capital brasileira.
Fonte: Agência Brasil
Conmemórase o Día do Idioma Guaraní
Como cada 25 de agosto desde 1967, ano en que foi declarado lingua nacional, Paraguai celebra o Día do Idioma Guaraní co fin de promover e normalizar o seu uso.
Taiwán quere adoptar o inglés como segunda lingua para promover a "competitividade internacional"
O primeiro ministro de Taiwán, William Lai, anunciou que o país pretende oficializar o inglés como segunda lingua co obxectivo de fomentar o seu coñecemento e a "competitividade internacional".
Fonte: Infobae
Un estudo universitario revela que respirar ar contaminado podería afectar negativamente ás habilidades lingüísticas
Un estudo da Universidade de Beijing revela que a mala calidade atmosférica dun lugar podería ter un efecto negativo nas destrezas lingüísticas dos seus habitantes.
Fonte: New Scientist
O Senado de Filipinas oficializa a lingua de signos no país
O Senado de Filipinas acaba de aprobar unha lei pola que se oficializa a lingua de signos filipina co fin de promover e facilitar a expresión e comunicación da comunidade xorda do país asiático.
Fonte: Rappler
Boletín
Subscríbase ao boletín
