A Comisión de Educación, Cultura, Ciencia, Tecnoloxía e Deportes do Parlamento do Mercosur aprobou unha recomendación para o Consello do Mercado Común co fin de que o guaraní sexa considerado idioma oficial do Mercosur e se converta en idioma de traballo do bloque rexional, como o español e o portugués.

Fonte: DCI

O embaixador italiano en Beirut, Gabriele Checchia, e o profesor Zouhair Chokr, reitor da Universidade Libanesa, asinaron un convenio marco que ten como obxectivo reforzar a cooperación no campo do ensino da lingua e a cultura italianas no Líbano.

Fonte: Daliy Star

O feito de non proporcionar servizos básicos na lingua saami levou á imposición dunha multa condicional polo Tribunal Nacional de Discriminación de Finlandia. A multa de 5000 euros é a primeira deste tipo imposta. No centro da polémica está proporcionar servizos de gardería na lingua saami no concello de Enontekiö, situado ao norte do país.

Fonte: YLE

A Comisión Europea pediulles aos Estados membro que o servizo do número único europeo de emerxencias sexa "máis multilingüe", pois apuntan que un 28 % dos europeos que chama ao 112 no estranxeiro sente dificultades lingüísticas.

Fonte: Diário Digital

Perú é o país con maior diversidade de etnias, linguas e familias lingüísticas de América, segundo o novo mapa etnolingüístico presentado polo Instituto Nacional de Desenvolvemento de Pobos Andinos, Amazónicos e Afro Peruanos (Indepa).

Fonte: Perú Hoy

Os días 9 e 10 de febreiro de 2009 quedarán no recordo para as persoas comprometidas co escocés no ensino. O día 9, a ministra de Cultura, Linda Fabiani, participou nun seminario en Stirling dirixido a 100 mestres, educadores, escritores, profesores e activistas para abordar as conclusións dun informe pioneiro sobre o escocés.

Fonte: Eurolang

Estados Unidos é o segundo país do mundo con máis falantes de español, só superado por México, e para medir a influencia do español na corrente contemporánea dominante en América só é preciso botarlles unha ollada ás canles de televisión.

Fonte: The Miami Herald

A Universidade de Otago, creada en 1869 e a máis antiga da Nova Zelandia, ofrece no novo ano escolar que se inicia en febreiro, por primeira vez, unha graduación minor en Lingua Portuguesa.

Fonte: Intituto Camões

A comisión de Cultura do Parlamento Europeo aprobou un informe sobre multilingüismo que defende "o dereito de que os pais e responsables da educación elixan a lingua oficial na que deben educarse os seus fillos".

Fonte: El País

O ministro de Cultura de Portugal, José António Pinto Ribeiro, afirmou que o novo acordo ortográfico deberá entrar en vigor no primeiro semestre deste ano, pero todo depende das negociacións cos outros países da CPLP.

Fonte: Jornal de Notícias