O Instituto Cervantes realizou máis de 200 actividades de promoción da lingua galega, ademais de organizar cursos de divulgación e para a súa correcta aprendizaxe no período comprendido entre 2005 e 2008.

Fonte: Europa Press

Amnistía Internacional presenta en Chile a Declaración Universal de Dereitos Humanos traducida aos idiomas mapudungun, aimará e rapa nui, en distintos arquivos de audio, para promover a súa difusión entre as comunidades indíxenas.

Fonte: Soitu

Por primeira vez en cerca de 20 anos, China lanzará unha lista modificada de ideogramas do mandarín simplificados, coa finalidade de estandarizar aínda máis o idioma usado por billóns de persoas no mundo.

Fonte: CRI

Este observatorio permitirá a elaboración dun cadro xeral permanente sobre a evolución da situación do francés no mundo. Os datos poranse a disposición da Organización Internacional da Francofonía como complemento das análises e estudos que lles permitan aos xefes de estado e de goberno tomar decisións estratéxicas a fin de desenvolver medidas en favor da promoción do francés.

Fonte: Le Courrier du Vietnam

A profesora nicaraguana Hazel Wilson viaxou a Suíza para intercambiar experiencias en materia de plurilingüismo e para expoñer o ideario dunha zona que busca saír da pobreza pola vía da educación.

Fonte: Swissinfo

Un total de 2.398 adultos acoden a clases regradas de éuscaro fóra de Euskadi, igual que mil menores de 16 anos que asisten a clases de lingua vasca fóra do País Vasco, segundo datos do Goberno desta comunidade.

Fonte: El País

"En tanto que instrumento de comunicación, as linguas africanas deben participar obrigatoriamente na construción da aldea global en curso", é o aviso dun dos participantes no Cumio das Institucións Culturais de África e da diáspora africana que se celebrou en Yaoundé.

Fonte: Xinhuanet

Preséntas Spreadthesign, unha web internacional que recolle ata a data máis de 20.000 expresións en linguas de signos de once países, entre eles España.

Fonte: Diario Signo

A EBLUL lanzou un novo comité dun estado membro en Letonia. O día 4 de abril, en Irē (Mazirbe, en letonio), a capital livonia, representantes das linguas rexionais e minoritarias de Letonia (livonio, latgalio, ruso e võro) fundaron a Oficina Letoa para as Linguas Menos Usadas (LatBLUL).

Fonte: Eurolang

Recoñecida pola Unesco como unha lingua "definitivamente en perigo de extinción", o arameo conta con só 7000 falantes en Maaloula (Siria) e con arredor de 8000 en dúas vilas próximas. Pero as cousas están mellorando, sobre todo desde que a Universidade de Damasco fundou a súa academia da lingua, coa axuda do Goberno.

Fonte: Irish Times