Para que a barreira do idioma deixe de ser unha limitación nas comunicacións persoais, Google acaba de lanzar un sistema de tradución automático que se encaixa no correo electrónico de Gmail.

Fonte: Clarín

Na capital tailandesa celebrouse unha cerimonia de benvida para o primeiro grupo de voluntarios chineses que van ensinar chinés mandarín. O número total de profesores chineses que se despraza a Tailandia en 2009, tras outros dous grupos que chegaron días despois, ascenderá a 1028.

Fonte: Xinhua

O presidente de Kirguizistán, Kurmanbek Bakíev, demostrou o seu dominio da lingua kirguís ao aprobar o exame de idioma que teñen que presentar todos os aspirantes ao cargo de xefe de Estado, tal e como establece a lexislación.

Fonte: ADN

Perú celebra o 27 de maio o Día do Idioma Nativo. Esta celebración promove o recoñecemento e respecto polos seus idiomas nativos: quechua, aimará ou linguas selváticas.

Fonte: De Perú

No seu informe anual 2008-2009, o Comisario das linguas oficiais, Graham Fraser, sinala que en Quebec é onde se atopa a maior proporción de persoas bilingües de Canadá e que máis dun terzo (36 %) dos francófonos, así como máis de dous terzos dos anglófonos (69 %), afirmaban no momento do último censo federal que se expresan en inglés e francés.

Fonte: CNW Group

O Centro Estatal de Linguas e Culturas Indíxenas (CELCI) advertiu de que o tepehua está en risco de desaparecer do estado de Hidalgo, xa que só se ten un rexistro de 1583 falantes.

Fonte: Excélsior

O grupo EITB (Radiotelevisión vasca) e a asociación Euskararen Erakunde Publikoa (Oficina Pública da Lingua Vasca, EEP/OPLB) de Iparralde asinaron un acordo de colaboración para impulsar a difusión en formato dixital dos medios de comunicación en éuscaro da radiotelevisión pública vasca en todo o País vasco-francés.

Fonte: EITB

Nove destacados investigadores, vinculados ao Centro Europeo de Investigación Nuclear (CERN), dan un paso adiante para rebater prexuízos lingüísticos.

Fonte: Vieiros

Os participantes na sesión do Consello de Representantes de carelios, vepsios e finlandeses da República de Carelia celebrado o pasado 27 de maio baixo a presidencia do máximo responsable do país, Sergey Katanandov, abordaron a cuestión do ensino da lingua finlandesa nas institucións educativas da República de Carelia.

Fonte: Republic of Karelia

Cun chamamento a unir forzas para traballar na metodoloxía do ensino da lingua maia, así como nos seus principios e regras cun enfoque cultural, inaugurouse un foro sobre cultura indíxena. Durante o acto, propúxose a creación dun instituto de lingua maia, ante os perigos que ameazan a supervivencia da lingua.

Fonte: Por esto