Tanto Irlanda coma Bretaña crearon sitios web de noticias bilingües. O novo servizo irlandés, Inside Ireland, céntrase nos negocios e lanzouse oficialmente en Dublín nas oficinas de Foras na Gaeilge. O servizo bretón Daktu lánzase en Lorient e as noticias diarias estarán en bretón e francés.

Fonte: Eurolang

O ministro de Cultura de Portugal, José António Pinto Ribeiro, defendeu a creación dunha academia dedicada á lingua portuguesa porque o modelo da actual Academia das Ciências de Lisboa está "esgotado".

Fonte: Expresso

Seis anos despois da aprobación da Lei de idiomas nacionais, que ordena ter un sistema onde os servizos e a atención pública tamén se impartan en linguas xinca e garífuna, non se aprobou o regulamento para a súa aplicación real.

Fonte: Argenpress

Os expertos reuníronse en Tunes para tratar o descenso do ensino en lingua árabe e a utilización deste idioma nos lugares públicos.

Fonte: Magharebia

Defender unha identidade cultural que desempeñou un importante papel na independencia do cantón é o obxectivo do Goberno de Xura, en Suíza. Convértese así en pioneiro na materia e inicia unha consulta sobre un proxecto de lei acerca do uso da lingua francesa.

Fonte: RFJ

O Instituto Cervantes celebra o Día do Español, tanto na súa sede central de Madrid como nos seus 73 centros repartidos por todo o mundo para conmemorar a 'boa saúde' dunha lingua que conta con 450 millóns de falantes.

Fonte: Europa Press

Na actualidade, os indíxenas que queren inscribir os seus fillos con nomes tradicionais indíxenas enfróntanse a numerosos problemas, trabas burocráticas, taxas e multas.

Fonte: Ciudad.com

Entidades de divulgación do esperanto discuten esta proposta, transformada en proxecto de lei, de incluír o esperanto como disciplina optativa para os alumnos do ensino medio en toda a rede pública brasileira.

Fonte: Senado Federal

Un grupo de estudantes do Instituto Tecnolóxico de Parral crearon un navegador en idioma tarahumara, cuxo software permitirá impulsar o uso da tecnoloxía da información entre nenos e mozos que cursan os seus estudos nas comunidades indíxenas de Chihuahua (México).

Fonte: El Diario

O Ministerio de Desenvolvemento Rexional lanza en rexións rusas os programas da Comisión Europea e do Consello de Europa dirixidos a apoiar as minorías étnicas e as súas linguas, segundo anunciou un responsable deste ministerio.

Fonte: RIA Novosti