Durante tres décadas, o médico anestesista Clovis Chiaradia coleccionou máis de 30 mil entradas orixinarias das familias lingüísticas tupí-guaraní, aruaque, caribe e macro-xé. Este traballo deu como resultado unha obra que rescata un idioma nativo: o Dicionário de Palavras Brasileiras de Origem Indígena.

Fonte: O Dia

O Goberno español deberá comparecer ante a Comisión Mixta da UE, antes de fin de ano, para dar conta do grao de cumprimento dos acordos asinados por España coas institucións europeas en materia de linguas cooficiais como o catalán, galego e vasco.

Fonte: EcoDiario

Antropólogos da Universidade de Indiana están conservando a lingua do pobo assiniboine, un grupo indíxena americano concentrado en Saskatchewan (Canadá).

Fonte: UPI

A Comisión de Educación do Senado aproba o proxecto do senador Cristovam Buarque (PDT-DF) que determina que o esperanto sexa incluído na lista de materias optativas.

Fonte: Época

EURid, o organismo designado pola UE para xestionar os dominios .eu, anunciou o lanzamento dos dominios multilingües con esta extensión a partir do vindeiro 10 de decembro.

Fonte: Asociación PuntoGal

O primeiro dicionario virtual de termos maias con métodos para descifrar a escritura glífica estará dispoñible en internet a partir do 21 de setembro, anunciou un dos investigadores do proxecto, Ignacio Cases.

Fonte: El Universal

Galicia 21 edítase en formato bilingüe, cos textos en galego e en inglés. A Universidade de Cardiff e o Centro de Estudos Galegos en Gales da Universidade de Bangor financian a publicación.

Fonte: Vieiros

Segundo cálculos da Unesco no mundo pérdese unha lingua cada dúas semanas. No caso de México, todos os idiomas indíxenas se enfrontan a algún grao de dificultades, mesmo os que teñen un maior número de falantes.

Fonte: Milenio

A cidade de Xangai lanzou unha campaña para impulsar o uso do mandarín fronte ao dialecto local, moi estendido na metrópole, de cara á Exposición Universal de 2010, na que se espera a 70 millóns de visitantes, a maioría chineses doutras provincias.

Fonte: Finanzas

O Goberno federal canadense investirá 7,7 millóns de dólares na mellora dos servizos arredor da lingua francesa coa finalidade de propoñer uns Xogos Olímpicos perfectamente bilingües.

Fonte: Toutleski.com