O ministro flamengo de Integración pretende darlle ao coñecemento do neerlandés un lugar máis destacado na política de integración na rexión das persoas estranxeiras.

Fonte: RTL Info

Posto que México se encontra entre os dez países do mundo con maior número de linguas maternas faladas nun mesmo territorio, Fernando Nava, director do Instituto Nacional de Linguas Indíxenas (INALI), anunciou o inicio da campaña "Os dereitos lingüísticos dos nenos".

Fonte: El Imparcial

Tras a posta en marcha de TRT 6 en lingua kurda, a televisión pública TRT ten a intención de transmitir a súa programación en árabe e francés no ano 2010 e incorporar posteriormente tamén o inglés.

Fonte: SatCesc

O ex-presidente de Francia Jacques Chirac presentou a súa fundación para a conservación das linguas raras, co obxectivo de producir filmes e lanzar un sitio web en internet para informar sobre as cerca de 6 mil linguas actualmente faladas en todo o mundo.

Fonte: O Globo

A Xustiza de Paraná suspendeu a lei estatal que prohibía o uso de palabras estranxeiras en anuncios de publicidade sen a debida tradución ao portugués.

Fonte: Diário do Pará

O goberno rexional de Loreto informou de que se prepara unha ordenanza rexional para oficializar, preservar e revalorizar as linguas indíxenas desta parte da Amazonía peruana, que serían máis de 40, doce das cales estarían en perigo de extinción.

Fonte: GN Noticias

Non hai plans para que o gaélico sexa a 24.ª lingua "oficial" de Europa, pero a partir de agora os falantes de gaélico escocés poderán dirixirse por escrito ás institucións europeas na súa lingua materna e recibir a resposta nesa lingua. Os ministros escoceses poderán tamén falar gaélico escocés nas reunións con outros ministros europeos e con representantes rexionais.

Fonte: Herald Scotland

O Novo Partido Democrático está tentando erixirse no defensor dos dereitos lingüísticos do francés en Quebec. O vicepresidente do partido, Thomas Mulcair, presentou unha proposición de lei privada que introduciría unha emenda no Código do Traballo Canadense para garantir que tanto as institucións federais coma as empresas que desenvolven a súa actividade en Quebec estean obrigadas a darlle prioridade ao francés como lingua de traballo.

Fonte: Edmonton Sun

A través do proxecto de Lei de linguas nativas, o Ministerio de Cultura, en concertación coas comunidades, busca garantir a protección e preservación das 68 linguas nativas existentes en Colombia (65 indíxenas, 2 crioulas afroamericanas e o idioma do pobo xitano), e que forman parte do patrimonio intanxible da Nación e da Humanidade.

Fonte: Entretenimiento Plus

Irán e Omán acordaron colaborar para manter vivas as linguas faladas no mundo musulmán, especialmente o persa e o árabe, na UNESCO. Os dous países continuarán con este asunto para que a UNESCO e a Organización Islámica para a Educación, a Ciencia e a Cultura (ISESCO) dea os pasos necesarios para o efecto.

Fonte: Fars News