A lingua española está perdendo a batalla no campo da ciencia e a tecnoloxía en beneficio do inglés e, se non se toman medidas, chegará o día en que deixe de ser utilizado tanto nestes ámbitos como no dos negocios. Esta é a conclusión á que chegaron os autores do libro El español, lengua para la ciencia y la tecnología.

Fonte: El Siglo de Tucumán

A Asemblea de Gales aprobou a solicitude de transferencia de poderes sobre a lingua galesa, aínda que con algunhas disidencias. Un grupo de parlamentarios afirmou que isto supuxo unha redución dos poderes que se lle poderían devolver desde Westminster.

Fonte: BBC

O vice-primeiro ministro de Xamaica e ministro de Asuntos Exteriores e Comercio Exterior, Kenneth Baugh, propuxo que o español se converta na segunda lingua de Xamaica, á vista da dinámica cambiante no hemisferio.

Fonte: Caribbean 360

A Comisión de Saúde, Poboación, Familia e Persoas con Discapacidade do Congreso da República aprobou por unanimidade o dictame referido ao recoñecemento oficial á lingua de signos peruana.

Fonte: CPN Radio

A Academia de Cine Catalán pretende presentar aos Oscar de 2011 un filme en versión orixinal -en catalán- como candidato a mellor película estranxeira.

Fonte: 20 minutos

A audiencia pública sobre o novo acordo ortográfico, realizada pola Comisión de Educación, Cultura e Deporte, fixo xurdir unha serie de críticas feitas por lingüistas e educadores desde que o acordo foi asinado en 1990 cos demais países de lingua portuguesa. Avaliando estas cuestións, algúns senadores suxeriron ampliar o debate coa sociedade.

Fonte: Terra

Desde os seus primeiros días de vida, os bebés choran en francés, inglés ou español, xa que os choros dos neonatos levan a marca do idioma dos seus pais, segundo un estudo publicado na edición dixital de Current Biology.

Fonte: EFE

A empresa xaponesa NEC deu a coñecer un dispositivo que afirman que lles permitirá aos usuarios comunicarse con persoas que falan linguas diferentes. O sistema asistido por ordenador Tele Scouter utiliza un dispositivo de imaxe para proxectar case en tempo real traducións directamente na retina do usuario.

Fonte: Today Online

O Ministerio de Educación decidiu que a partir do próximo ano será obrigatorio o ensino das linguas indíxenas de Chile en 331 escolas de sete rexións do país, que conten con, polo menos, o 20 por cento dos seus alumnos quechuas, aimarás, rapanui ou mapuche.

Fonte: AnsaLatina.com

Despois das manifestacións celebradas hai unhas semanas nas localidades francesas de Carcasona e Baiona para reclamarlle ao goberno o proxecto de lei sobre as linguas, os deputados e senadores de diferentes rexións pídenlle contas ao goberno e, máis concretamente, ao ministro de Cultura.

Fonte: Pays Basque Info