Arredor de 196 linguas da India están en perigo de extinción, segundo un recente estudo da Unesco, e un grupo de lingüistas, especialistas e responsables políticos reúnense nun seminario internacional de dous días para debater como salvar estas linguas.

Fonte: Sify

A empresa Blazing Ideas Limited pediu usar as linguas indíxenas nas escolas de educación primaria e secundaria de Nixeria para evitar a súa extinción.

Fonte: This Day

A ministra de Educación, Julia Gillard, anunciou un financiamento de 46.000 dólares para o programa de linguas na escola, co fin de estender e actualizar a Declaración Nacional 2005-2008 e o Plan para a formación en linguas nas escolas de Australia.

Fonte: The Gov Monitor

A lingua catalá será invitada de honor da feira Expolangues que se celebrará en París do 3 ao 6 de febreiro de 2010, certame no que o catalán sempre tivo un posto pero nunca este protagonismo, que mostra o "incipiente recoñecemento" das linguas que hai en Francia e que non son o francés.

Fonte: Europa Press

Unhas 20.000 persoas (14.000 segundo a policía) manifestáronse o sábado 24 de outubro polas rúas da cidade de Carcasona en defensa do recoñecemento da lingua e da cultura occitanas.

Fonte: Avui

Varios miles de persoas manifestáronse nas rúas de Baiona para reivindicar unha lei que recoñeza as linguas minoritarias en Francia, de maneira que sexan consideradas oficiais nos seus respectivos territorios.

Fonte: Diario Vasco

Case 200 linguas da India corren o risco de desaparecer se os pais non fan esforzos para mantelas nun sistema educativo que privilexia o hindi e o inglés, segundo aseguraron diferentes especialistas.

Fonte: EFE

Os enderezos de internet poderán, a partir de agora, ser redactados en mandarín, árabe e outros idiomas e non soamente en caracteres latinos, anunciou a Icann, o organismo norteamericano que administra a rede e os nomes dos portais.

Fonte: AFP

Reivindicar a existencia dun vocabulario común a todos os xitanos de Europa, reminiscencia dun idioma milenario, é un dos obxectivos do Museo de Cultura Romaní de Belgrado, un dos mellores do mundo e dono dun amplo patrimonio escrito nesa lingua.

Fonte: El Universal

Un informe sobre o FBI conclúe que o servizo é lento para traducir información de intelixencia, en parte debido á falta de tradutores.

Fonte: The American Prospect