Contra a carreira desenfreada de varios estados para declarar o urdu a segunda lingua oficial, o estado de Uttarakhand converteuse no primeiro do país en declarar o sánscrito a segunda lingua oficial.

Fonte: Organiser

A Oficina Quebequesa da Lingua Francesa está a reforzar a aplicación da Carta da Lingua Francesa desde a súa oficina de Gatineau para asegurarse de que as empresas de Outaouais utilizan principalmente o francés.

Fonte: Ottawa Citizen

Algunhas escolas de Tartaristán aseguran que o ministro de Educación de Rusia está intentando rebaixar de categoría o papel da lingua tártara.

Fonte: RFERL

Co título Investir na diversidade cultural e o diálogo intercultural, o obxectivo do informe é facer unha reflexión arredor dos retos da diversidade cultural, analizar as transformacións en curso das sociedades a fin de levar a cabo o seu seguimento e observar as súas tendencias actuais.

Fonte: Linguamón

Os nenos de Cornualles recibirán inmersión total na lingua e na cultura do seu condado cando abra unha nova gardería. Trátase da primeira destas características na rexión, na que se darán clases sobre o patrimonio córnico e tamén se animará os nenos a falar algo en córnico.

Fonte: Western Morning News

O presidente en funcións de Moldavia, a risco de provocar un escándalo daniño, está exercendo presión para que a lingua nacional pase a chamarse romanés en lugar de moldavo.

Fonte: EurActiv

Co fin de fomentar o estudo e a práctica do idioma mixteco en comunidades indíxenas, nenos en coordinación cos seus mestres crearán textos, contos ou lendas nesta lingua para a súa publicación e lectura nas súas comunidades.

Fonte: Corresponsales Indígenas

A Wikilengua puxo en marcha un atlas lingüístico oral para recoller as variedades do español no mundo cando este sitio, único de internet sobre o uso do español, supera os 11 millóns de páxinas visitadas desde 185 países, segundo fontes da Fundación do Español Urxente (Fundéu BBVA).

Fonte: EFE

As escolas públicas e privadas de todo Brasil que aínda non o fixeran terán ata o mes de agosto para pasar a ofrecer o ensino de lingua española aos estudantes do ensino medio.

Fonte: Correio Braziliense

O antigo primeiro ministro francés Jean-Pierre Raffarin defendeu en Bruxelas o emprego da lingua francesa que París xulga insatisfactorio nas institucións da Unión Europea (UE).

Fonte: TV 5