O Ministerio de Xustiza peruano presentou a primeira edición oficial da Constitución Política de Perú de 1993 traducida á lingua aimará, informaron fontes oficiais.

Fonte: EFE

A lingua española segue a gañar terreo na República Checa. Segundo o Ministerio de Educación español, o idioma de Cervantes xa se sitúa, despois do inglés, como o que xera máis interese entre a xente nova, mentras o francés, o alemán e o italiano se estancan.

Fonte: Diario de León

O Goberno portorriqueño quere implantar programas de ensino de inglés para lograr que sexan bilingües as novas xeracións dun país no que o 85 por cento da poboación só coñece os rudimentos desa lingua.

Fonte: La Opinión

Dentro de dous anos Google promete lanzar un sistema que, integrado no móbil, nos traducirá e dirá en tempo real que nos di a outra persoa sexa do país que sexa.

Fonte: MovilZona.es

Desde o ano 2008, a Constitución francesa establece no seu artigo 75-1 que «as linguas rexionais pertencen ao patrimonio de Francia». Christine Albanel, ministra de Cultura, comprometérase a presentar un proxecto de lei sobre as linguas rexionais. Un texto que, en febreiro de 2010, non está aínda na orde do día.

Fonte: Novo Press

Lexisladores indíxenas avaliarán con autoridades do Ministerio panameño de Educación temas relacionados co ensino bilingüe, como opción para garantir a supervivencia dos idiomas dos pobos orixinarios.

Fonte: Prensa Latina

Os deputados do PRI e de Nueva Alianza rexeitaron a iniciativa de lei para crear o Instituto de Linguas Indíxenas do Estado de México, o cal para a presidenta da comisión de Asuntos Indíxenas, Florentina Salamanca Arellano, non foi por erros senón por “falta de vontade política” e con iso continúa a discriminación cara aos indíxenas.

Fonte: El Diario

Un dos grandes temas pendentes en materia de educación indíxena é preservar as linguas das etnias en todo o estado e o país, polo que cómpre buscar mecanismos para que o resto da poboación poida coñecer, entender e falar a lingua materna dos grupos indíxenas.

Fonte: Milenio

Por primeira vez na historia de Canadá, os Xogos Olímpicos de Vancouver retransmítense en oito linguas autóctonas na canle APTN (Aboriginal Peoples Television Network).

Fonte: Métro Montréal

A comisión luso-andorrana sobre cuestións de educación anunciou que vai ponderar a introdución do portugués como lingua curricular no sistema educativo deste país.

Fonte: Jornal de Notícias