A rede británica BBC estrea as súas retransmisións no idioma crioulo para os haitianos. Trátase dun programa diario chamado Conexión Haití e que terá unha duración de 20 minutos.

Fonte: Portal Imprensa

A Unión Europea financiou con máis de 2,3 millóns de euros -procedentes do tema Tecnoloxías da información e as comunicacións do Sétimo Programa Marco (7PM)- o proxecto MOLTO (Tradución plurilingüe en internet), que traballa para desenvolver unha ferramenta de tradución eficiente en internet.

Fonte: Portal TIC

O deputado da circunscrición especial do departamento de Pando, Julio Cortez, demandará na Asemblea Lexislativa “educación e profesores bilingües” para os cinco grupos étnicos que habitan neste departamento boliviano.

Fonte: Erbol

A Academia Norteamericana da Lingua Española acaba de publicar Hablando bien se entiende la gente, unha guía práctica con máis de 300 consellos sobre o uso correcto do idioma español redactada especificamente para os hispanofalantes de Estados Unidos, e que aclara algunhas das dúbidas máis frecuentes no uso do español estadounidense.

Fonte: El Universal

Co fin de garantir o recoñecemento, a protección e o desenvolvemento dos dereitos lingüísticos, individuais e colectivos dos grupos étnicos con tradición lingüística propia, a promoción do uso e desenvolvemento das súas linguas nativas, o presidente de Colombia Álvaro Uribe Vélez sancionou a Lei 1381 do 25 de xaneiro de 2010.

Fonte: SNE

O ensino do español en Brasil atravesa "o mellor momento da súa historia". Fronte ao millón de estudantes desta lingua que había en 2006, hai xa cinco millóns e o probable é que se siga "avanzando a esa velocidade", aínda que faltan uns 12.000 profesores para continuar ao mesmo ritmo.

Fonte: EFE

Quizá sobrevivente de antigas formas de comunicación, como o facían grupos tribais a través de sinais de fume ou símbolos marcados nas árbores, os pobos mazatecos de Oaxaca posúen unha linguaxe a base de asubíos que está pouco estudada.

Fonte: En el Show

A emenda estipula que o presidente, o vicepresidente e o primeiro ministro poden tomar posesión dos seus cargos xurando nas súas linguas maternas ademais da nacional, o nepalí.

Fonte: ABC

Ucraína practica unha política de discriminación lingüística contra os ucraínos que falan ruso, húngaro, romanés ou outras linguas, declarou en Kiev Vadim Kolesnitchenko, deputado no Parlamento deste país e presidente da ONG Ukraine russophone.

Fonte: RIA Novosti

O galés está a experimentar un renacemento que o afasta dunha extinción tida por inevitable desde mediados do século pasado. En 1991 tiña 508.100 falantes, el 18,7 % da poboación; en 2001 xa contaba 582.400 e en 2004 alcanzou os 611.000, máis do 20 % da poboación.

Fonte: La Voz de Galicia