A Oficina Quebequesa da Lingua Francesa (OQLF) solicitoulles a varias empresas que se axusten ao artigo 52 da Carta da lingua francesa que estipula que os sitios web das empresas que teñen un enderezo en Quebec deben estar tan completos en francés coma en inglés, unha disposición non respectada por varias sociedades.

Fonte: L'Agenda du Bien Commun

A entrada en vigor desta lei ampliou a degradación, xa antiga, das relacións entre os dous veciños. Aplicada desde xaneiro, limita a utilización do húngaro na vida pública, pero para os eslovacos trátase simplemente de protexer a lingua e os intereses nacionais cando esta se fale ou se escriba.

Fonte: Hu-lala

Os expertos da lingua tártara de Crimea aprobaron a decisión de deixar de utilizar o alfabeto cirílico e volver ao alfabeto latino, segundo informa o Servizo Tatar-Bashkir de RFE/RL.

Fonte: RFE/RL

O Goberno de Kerala asignoulle un acre de terra no distrito de Kasaragod á Academia do Tulu, constituída hai dous anos para promover esta lingua. O terreo está situado na vila de Kadambara.

Fonte: The Times of India

Os bebés que oen regularmente dúas linguas cando están no ventre da súa nai son máis proclives a ser bilingües, segundo un estudo publicado en Psychological Science.

Fonte: Univisión

Recentemente o Colexio Dominicano de Periodistas (CDP) e o Instituto de formación Xerencia e Liderado Americano (IFGLA) iniciaron un curso para a aprendizaxe do idioma crioulo, co obxectivo de lograr un maior entendemento entre os dominicanos e os haitianos.

Fonte: El Nuevo Diario

Segundo as estatísticas oficiais, a India conta con 30 linguas recoñecidas oficialmente e preto de dous milleiros de dialectos que se falan ao longo de todo o seu territorio. A profusión idiomática fai que moitos xornalistas descoñezan a meirande parte dos idiomas, máis alá do hindi e o inglés, e, en consecuencia, unha boa parte da poboación non ten acceso á información na súa lingua materna. Agora, a utilización da telefonía móbil e da súa tecnoloxía vai permitir o desenvolvemento dun novo medio de comunicación que ofrecerá diversidade idiomática.

Fonte: Vieiros

Para conmemorar o Día Internacional da Lingua Materna, o Instituto Nacional de Linguas Indíxenas (INALI) traduciu a Constitución Política dos Estados Unidos Mexicanos a 13 variantes lingüísticas e o Himno Nacional Mexicano a oito idiomas nacionais.

Fonte: El Universal

A preservación das linguas indíxenas debe asumirse como un imperativo para as sociedades dos países, xa que constitúen un dereito humano fundamental que se relaciona coa dignidade humana, afirmou a experta Elisa Loncon.

Fonte: SDP Noticias

A lingua converteuse nunha inesperada protagonista da campaña para as eleccións municipais do 3 de marzo en Holanda. O uso do turco e o árabe, ademais do inglés e o chinés, na propaganda dos partidos xerou polémica.

Fonte: El País