A imprenta e as novas tecnoloxías conxúganse en Venezuela para propiciar o rescate dunha lingua indíxena que se cría esquecida, a lingua añú, de raíz arawaka ou taína.

Fonte: Prensa Latina

O Parlamento Europeo aprobou unha directiva que dá dereito aos cidadáns da UE con procesos penais abertos noutros Estados membro a recibir interpretación durante o interrogatorio policial, as audiencias no tribunal e as comunicacións co seu avogado.

Fonte: Parlamento Europeo

A Dirección de Educación Intercultural Bilingüe do Ministerio de Educación (Minedu) elaborou normas para dez linguas nativas -nove amazónicas e unha andina- nos últimos catro anos, o que permite que nos colexios e comunidades de once departamentos se impartan clases co uso dun alfabeto elaborado na súa propia lingua materna.

Fonte: Andina

Das 364 variantes lingüísticas indíxenas que existen en México, o dez por cento está en risco de desaparecer debido á discriminación que sofren os membros destas comunidades, segundo fontes oficiais.

Fonte: EFE

O español xa é a segunda lingua materna máis falada no mundo, con máis de 416 millóns de falantes nativos. Segundo o último informe do Instituto Cervantes, converteuse tamén no segundo idioma de comunicación internacional, e no terceiro máis utilizado en internet.

Fonte: Clarín

A situación o éuscaro en Navarra volve ser centro de atención no Parlamento Europeo. O intergrupo de Minorías tradicionais, nacionalidades e linguas da Eurocámara analiza a política lingüística do Goberno foral.

Fonte: Noticias de Navarra

O Instituto Nacional para a Educación dos Adultos (INEA) elabora novos materiais en lingua indíxena, co fin de brindarlles un servizo de máis calidade ás case 69 mil persoas que instrúe nos pobos orixinarios do país.

Fonte: Diario de Yucatán

O Consello de Europa, a institución máis destacada na defensa dos dereitos humanos e fundamentais de Europa, criticou a un conxunto de países europeos, entre eles Turquía, por non asinar a carta de 1992 que protexe as linguas minoritarias.

Fonte: Today's Zaman

O secretario xeral de Política Lingüística, Anxo Lorenzo, asistiu por primeira vez á reunión anual da comisión executiva e da asemblea xeral da Network to Promote Linguistic Diversity (NPLD), unha organización de ámbito europeo á que están asociadas institucións públicas e entidades privadas de máis de vinte rexións europeas con lingua propia.

Fonte: Xunta de Galicia

O Goberno de Zambia afirmou que os nenos terán que estudar unha lingua local, xunto co inglés, desde o primeiro curso ata o cuarto para axudalos a adquirir as habilidades iniciais básicas de ler e escribir nas linguas locais.

Fonte: People´s Daily Online