Para contribuír a que a Wikipedia sexa útil para os falantes de linguas con menor presenza nela, Google está traballando con voluntarios, tradutores e wikipedistas na India, Oriente Medio e África para traducir máis de 16 millóns de palabras para a Wikipedia ao árabe, guxaratí, hindi, kannada, suahili, támil e telugu.

Fonte: Google Translate

A recuperación e o desenvolvemento das linguas dos pobos aborixes de Chile sería beneficioso para o país, xa que xeraría un 'renacemento cultural', afirmou a docente universitaria Elisa Lóncon Antileo.

Fonte: Informador

A lingua española é a terceira con máis presenza en internet e unha das que goza de maior crecemento, se ben segue lonxe do mandarín e, sobre todo, do inglés, que copa as páxinas web con máis visitas do mundo.

Fonte: Cibersur

Fernando Nava López, director nacional do Instituto das Linguas Indíxenas, expuso que México carece de intérpretes e tradutores de linguas indíxenas, o cal deixa a este sector débil e obxectivo fácil de inxustizas, principalmente en casos legais.

Fonte: Periódico y Agencia de Noticias Imagen del Golfo

Para axudar a preservar esta cultura e esta lingua chegaron a Palenque expertos de Linguamón (Casa das Linguas de Cataluña) co fin de expoñer a súa experiencia na conservación do catalán.

Fonte: Impre.com

O Goberno español non cumpriu o seu compromiso de traducir a lexislación comunitaria ás linguas cooficiais pese a que así estaba previsto nos acordos asinados con diversas institucións comunitarias para fomentar o uso do catalán, o éuscaro e o galego na UE.

Fonte: Europa Press

O presidente de Guinea Ecuatorial, Teodoro Obiang, promulgou o decreto polo que se recoñece o portugués como terceira lingua oficial do país, como foi aprobado pola Asemblea unicameral o pasado mes de abril.

Fonte: ABC

Uns 40 millóns de persoas estudan chinés no mundo, segundo datos do principal órgano oficial chinés de ensino desta lingua no estranxeiro difundidos pola axencia oficial de noticias Xinhua.

Fonte: ABC

O presidente da República, Cavaco Silva, desafiou os países que falan portugués a incentivar a loita para que gañe o estatuto de lingua oficial das Nacións Unidas, xa que considera que non se poden desperdiciar as súas "enormes potencialidades".

Fonte: Diário de Notícias

Un pequeno municipio do estado de Illinois declarou o inglés o seu idioma oficial nun xesto simbólico de apoio á lei migratoria de Arizona.

Fonte: El Nuevo Herald